ກອງປະຊຸມເຜີຍແຜ່ ແລະ ແນະນຳໂຄງການ ຈີນ-ອາຊຽນພລາຊາ

 


ກອງປະຊຸມເຜີຍແຜ່ ແລະ ແນະນຳໂຄງການ ຈີນ-ອາຊຽນ ພລາຊາໄດ້ຈັດຂຶ້ນທີ່ຫ້ອງປະຊຸມຂອງສະພາການຄ້າໃນວັນທີ 8 ພຶດສະພາ 2012 ນີ້ໂດຍພາຍໃຕ້ການເປັນປະທານຮ່ວມຂອງທ່ານນາງ ຄຳແພງ ສິນມະສອນ ຮອງຫົວໜ້າກົມສົ່ງເສີມ ແລະ ພັດທະນາສິນຄ້າ ກະຊວງອຸດສາຫະກຳ ແລະ ການຄ້າ, ທ່ານ ດຣ.ໄຊບັນດິດ ລາດຊະພົນ ຮອງປະທານສະ ແລະພາການຄ້າ ແລະ ອຸດສາຫະກຳແຫ່ງຊາດລາວ, ທ່ານ ເຈົ່າຈາງ ເລຂາທິການສະພາການຄ້າຈີນ ປະຈຳ ສ.ປ.ປ.ລາວ ພ້ອມນັ້ນຍັງມີບັນດາກຸ່ມສະມາຄົມ ບັນດານັກທຸລະກິດຂະແໜງການຕ່າງໆທີ່ກ່ຽວຂ້ອງເຂົ້າຮ່ວມ .
ການຈັດກອງປະຊຸມໃນຄັ້ງນີ້ ແມ່ນເພື່ອສ້າງໂອກາດໃຫ້ແກ່ບັນດາຫົວໜ່ວຍທຸລະກິດຂອງລາວໄດ້ພັດທະນາການຮ່ວມມື, ການເຮັດວຽກຮ່ວມກັນ ແລະ ແລກປ່ຽນຄວາມຄິດຄວາມເຫັນກ່ຽວກັບການຄ້າສາກົນ, ເປັນການສຶກສາຄວາມເປັນໄປໄດ້ໃນທາງທຸລະກິດຢູ່ ສ.ປ.ຈີນ ເພື່ອນຳເອົາຜົນງານຜະລິດຕະພັນ, ຂໍ້ມູນຂ່າວສານຕ່າງໆຂອງຕົນໄປວາງສະແດງ ແລະ ຂາຍສິນຄ້າເພື່ອຊອກຫາຄູ່ຄ້າ ຄູ່ຮ່ວມທຸລະກິດ ແລກປ່ຽນການຮ່ວມມືເຊິ່ງກັນແລະກັນໃຫ້ຫລາຍຂຶ້ນທັງຢູ່ພາຍໃນກໍຄືຕ່າງປະເທດ ເຊິ່ງເປັນການຕອບສະໜອງແນວທາງຂອງລັດຖະບານລາວໃນການເປີດກວ້າງ ແລະ ສົ່ງເສີມດ້ານການຮ່ວມມືການຄ້າສາກົນດ້ວຍຫລາຍຮູບຫລາຍແບບ ເພີ່ມທະວີການເຊື່ອມໂຍງເຂົ້າກັບສາກົນໃນດ້ານການຄ້າເປັນຕົ້ນ ການເຂົ້າຮ່ວມໃນງານວາງສະແດງ ແລະ ຂາຍສິນຄ້າຢູ່ບັນດາປະເທດອາຊຽນ.
ກອງປະຊຸມຄັ້ງນີ້ ຜູ້ເຂົ້າຮ່ວມຍັງໄດ້ປະກອບຄຳຄິດຄຳເຫັນ ແລກປ່ຽນການສົນທະນາ ແລະ ຖອດຖອນບົດຮຽນ ຮ່ວມກັນເພື່ອຊອກວິທີແກ້ໄຂບາງບັນຫາເຊັ່ນ ສະຖານທີ່ຈັດງານ, ຮູບແບບການຈັດສົ່ງສິນຄ້າ, ການເກັບມ້ຽນສິນຄ້າ, ຂໍ້ມູນວາງສະແດງ ແລະ ລະບົບການບໍລິການຕ່າງໆ.

ຂ່າວ/ພາບ : ທັ່ນເທບ

 
 
 

0 Comments

You can be the first one to leave a comment.

 
 

Leave a Comment