ຄະນະນຳພະແນກ ຖວທ ນວ ສະແດງຄວາມຂອບໃຈ ຕໍ່ກົນສຸນໃຫຍ່ແຫ່ງ ສປປ.ລາວ ປະຈຳ ນະຄອນໂຮຈີມິນ

ຄະນະນຳພະແນກ ຖວທ ນວ ສະແດງຄວາມຂອບໃຈ ຕໍ່ກົນສຸນໃຫຍ່ແຫ່ງ ສປປ.ລາວ ປະຈຳ ນະຄອນໂຮຈີມິນ

Posted by

ເນື່ອງໃນໂອກາດທີ່ທາງຄະນະນຳຂອງພະແນກ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ ໄດ້ເດີນທາງໄປຮ່ວມງານຕະຫຼາດນັດການທ່ອງທ່ຽວສາກົນ ຄັ້ງທີ 11 ຢູ່ທີ່ ນະຄອນໂຮຈີມິນ ສສ.ຫວຽດນາມ ໃນລະຫວ່າງວັນທີ 10–12 ກັນຍາ 2015 ຜ່ານມາ ເພື່ອເປັນການສະແດງເຖິງຄວາມຮູ້ບຸນຄຸນຕໍ່ທາງກົງສຸນໃຫຍ່ ແຫ່ງ ສປປ.ລາວ ປະຈຳນະຄອນໂຮຈີມິນ ສສ.ຫວຽດນາມ ທີ່ໄດ້ໃຫ້ການຕ້ອນຮັບ ແລະ ອຳນວຍຄວາມສະດວກໃນຫຼາຍໆດ້ານເປັນຢ່າງດີ ດັ່ງນັ້ນ ໃນວັນທີ 11 ກັນຍາ 2015 ຢູ່ທີ່ສະຖານກົງສຸນໃຫຍ່ ແຫ່ງ ສປປ.ລາວ ປະຈຳນະຄອນໂຮຈີມິນ ສສ.ຫວຽດນາມ ຄະນະນຳຂອງພະແນກ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ ນຳໂດຍທ່ານ ຄຳປະດິດ ເຂັມມານິດ ຫົວໜ້າພະແນກ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ ພ້ອມດ້ວຍຄະນະ ໄດ້ເຂົ້າພົບປະການນຳຂອງກົງສຸນລາວ ປະຈຳ ນະຄອນໂຮຈີມິນ ສສ.ຫວຽດນາມ ໂດຍມີທ່ານ ເບີ່ຢ້າ ຮອງກົງສຸນໃຫຍ່ ແຫ່ງ ສປປ.ລາວ ປະຈຳນະຄອນໂຮຈີມິນ ສສ.ຫວຽດນາມ ໃຫ້ການຕ້ອນຮັບ ໃນໂອກາດດັ່ງກ່າວ ທ່ານຫົວໜ້າພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ ໄດ້ລາຍງານເຖິງຜົນສຳເລັດໃນການເຂົ້າຮ່ວມງານຕະຫຼາດນັດການທ່ອງທ່ຽວສາກົນ ຄັ້ງທີ 11 ໃຫ້ທາງກົງສຸນໄດ້ຮັບຊາບ ເຊິ່ງເປັນຂີດໝາຍອັນດີ ທີ່ຈະເຮັດໃຫ້ວຽກງານໃນດ້ານການທ່ອງທ່ຽວຂອງ ສປປ.ລາວ ເວົ້າຮວມ ເວົ້າສະເພາະກໍຄືຂອງນະຄອນຫຼວງວຽງຈັນ ມີທ່າຂະຫຽາຍໂຕຂຶ້ນເປັນກ້າວໆ ທັງຍັງໄດ້ເຮັດໃຫ້ບັນດາປະເທດຕ່າງໆໃນອະນຸພາກພື້ນ ກໍຄືໃນທົ່ວໂລກໄດ້ຮູ້ຈັກ ຮັບຮູ້ເຖິງການຂະຫຽາຍໂຕໃນດ້ານຕ່າງໆຂອງປະເທດລາວພວກເຮົາຫຼາຍຂຶ້ນ ແລະ ຍັງເປັນການດຶງດູດໃຫ້ນັກທ່ອງທ່ຽວມີຄວາມສົນໃຈຢາກເຂົ້າມາທ່ຽວປະເທດລາວ ກໍຄື ນະຄອນຫຼວງວຽງຈັນ ຫຼາຍຂຶ້ນກວ່າເກົ່າ.

…….ໂອກາດນີ້ ທ່ານຮອງກົນສຸນໃຫຍ່ແຫ່ງ ສປປ.ລາວ ລາວ ປະຈຳນະຄອນໂຮຈີມິນ ສສ.ຫວຽດນາມ ກໍໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດທີ່ທາງຄະນະດັ່ງກ່າວຍາດມາໄດ້ ແລະ ໄດ້ໃຫ້ຄຳໝັ້ນສັນຍາວ່າ ຈະສືບຕໍ່ໃຫ້ການຊ່ອຍເຫຼືອໃນດ້ານການພົວພັນ ປະສານງານ ເພື່ອອຳນວຍຄວາມສະດວກໃຫ້ແກ່ການເດີນທາງມາໃນຄັ້ງຕໍ່ໆໄປ.

…….ໃນຕອນທ້າຍ ທ່ານ ຄຳປະດິດ ເຂັມມານິດ ຫົວໜ້າພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ ກໍໄດ້ນຳເອົາຂອງຂວັນເລັກໆນ້ອຍໆມາມອບໃຫ້ກັບທາງກົນສຸນໃຫຍ່ ແຫ່ງ ສປປ.ລາວ ເຊິ່ງຮວມມີ ຮູບຈຳລອງຂອງຫໍໄຕ ວັດສີສະເກດ ສິ່ງໂຄສະນາການທ່ອງທ່ຽວ ແຜນທີ່ ແຜ່ນດີວີດີ ເພື່ອໂຄສະນາການທ່ອງທ່ຽວຂອງນະຄອນຫຼວງວຽງຈັນ ເພື່ອໃຫ້ທາງກົນສຸນ ໄດ້ນຳໄປໂຄສະນາປະຊາສຳພັນ ແລະ ເຜີຍແຜ່ ກ່ຽວກັບການທ່ອງທ່ຽວຂອງ ສປປ.ລາວ ກໍຄື ນະຄອນຫຼວງວຽງຈັນ ໃຫ້ສາກົນໄດ້ຮັບຮູ້ຕື່ມ ຕາງໜ້າຮັບໂດຍແມ່ນທ່ານ ເບີ່ຢ້າ ຮອງກົນສຸນໃຫຍ່ແຫ່ງ ສປປ.ລາວ ປະຈ ຳນະຄອນໂຮຈີມິນ ສສ.ຫວຽດນາມ.

ຂ່າວ/ພາບ: ປານີນາ ຈັນທະນະຄອນ (ລາຍງາຍຈາກ ນະຄອນໂຮຈີມິນ)

Leave a Reply

Your email address will not be published. Required fields are marked *

*