ຄະນະບໍລິຫານງານຊາວໜຸ່ມແຂວງຄຳມ່ວນ ສ້າງຂະບວນການຕ້ອນຮັບວັນກອງທັບປະຊາຊົນລາວ

ຄະນະບໍລິຫານງານຊາວໜຸ່ມແຂວງຄຳມ່ວນ ສ້າງຂະບວນການຕ້ອນຮັບວັນກອງທັບປະຊາຊົນລາວ

Posted by

     ເພື່ອເປັນການສ້າງຂະບວນການ ແລະຜົນງານ ໄວ້ຄໍານັບຮັບຕ້ອນວັນສ້າງຕັ້ງກອງທັບປະຊາຊົນລາວ  20 ມັງກອນ ຄົບຮອບ 69 ປີ ແລະ ທັງເປັນການກະກຽມໃຫ້ແກ່ການປະກາດແຂວງຄຳມ່ວນ ເປັນແຂວງຄະນະຊາວໜຸ່ມ 4 ບຸກ ໃນຕົ້ນປີ 2018 ນີ້ ດັ່ງນັ້ນ ເມື່ອຕົ້ນເດືອນມັງກອນ ຜ່ານມາ ຄະນະບໍລິຫານງານຊາວໜຸ່ມແຂວງ ຄະນະບໍລິຫານງານຊາວໜຸ່ມເມືອງທ່າແຂກ ພ້ອມດ້ວຍຄະນະຮາກຖານ-ໜ່ວຍຊາວໜຸ່ມພາຍໃນແຂວງ ກໍໄດ້ເຄື່ອນໄຫວສ້າງຂະບວນການມອບເຄື່ອງຊ່ອຍເຫຼືອໃຫ້ແກ່ອ້າຍນ້ອງທະຫານກອງພັນຕີພິເສດ 299 ເຊິ່ງນຳພາໂດຍ ທ່ານ ປອ ແກ້ວອຸດອນ ບຸດສິງຂອນ ເລຂາຄະນະບໍລິຫານງານຊາວໜຸ່ມແຂວງ ມີຄະນະພັກກອງບັນຊາການທະຫານແຂວງ ຄະນະພັກກອງພັນ 299 ພ້ອມດ້ວຍອ້າຍນ້ອງ ນາຍ ແລະ ພົນທະຫານ ເຂົ້າຮ່ວມ 85 ສະຫາຍ ຍິງ 22 ສະຫາຍ.

      ໃນພິທີ ທ່ານ ພັຕ ບຸນຕາ ຈັນດາລາ ຄະນະຮາກຖານຊາວໜຸ່ມກອງພັນ 299 ໄດ້ຂຶ້ນຜ່ານບົດລາຍງານການເຄື່ອນໄຫວຂອງຄະນະຊາວໜຸ່ມກອງພັນ 299 ເຊິ່ງທ່ານໄດ້ຍົກໃຫ້ເຫັນຫຼາຍຜົນງານພົ້ນເດັ່ນ ເປັນຕົ້ນແມ່ນ ວຽກງານສຶກສາອົບຮົມການເມືອງ-ແນວຄິດ ຄຽງຄູ່ກັບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກຂອງຊາວໜຸ່ມລາວ ໂດຍຕິດພັນມະຕິ 3 ສ້າງຂອງພັກ ໃນການສ້າງບ້ານເປັນຫົວໜ່ວຍພັດທະນາ ສ້າງບ້ານປ້ອງກັນສູ້ຮົບໃນຂອບເຂດຄວາມຮັບຜິດຊອບຂອງກຳລັງປ້ອງກັນຊາດ ຫຼັງຈາກນັ້ນ ເລຂາຄະນະບໍລິຫານງານຊາວໜຸ່ມແຂວງ ກໍໄດ້ຂຶ້ນກ່າວມອບເຄື່ອງໃຫ້ອ້າຍນ້ອງທະຫານກອງພັນ 299 ເຊິ່ງປະກອບມີ ເຄື່ອງຮັບໃຊ້ຫ້ອງການ ພ້ອມດ້ວຍເຄື່ອງອຸປະໂພກ ແລະ ບໍລິໂພກຕ່າງໆ ຮວມມູນຄ່າ 7.360.000 ກີບ.

      ວາລະດຽວກັນ ຄະນະບໍລິຫານງານຊາວໜຸ່ມແຂວງ ແລະ ຄະນະບໍລິຫານງານຊາວໜຸ່ມເມືອງຫີນບູນ ພ້ອມດ້ວຍຄະນະຮາກຖານ-ໜ່ວຍຊາວໜຸ່ມພາຍໃນແຂວງ ກໍໄດ້ເຄື່ອນໄຫວກິດຈະກຳມອບເຄື່ອງຊ່ອຍເຫຼືອໃຫ້ແກ່ອ້າຍນ້ອງທະຫານຊາຍແດນ ຢູ່ທີ່ກອງ ຄ 313 ເຊິ່ງນຳພາໂດຍ ທ່ານ ນາງ ວົງພະຈັນ ສີບຸນເຮືອງ ຮອງເລຂາຄະນະບໍລິຫານງານຊາວໜຸ່ມແຂວງ ມີການນຳຂັ້ນເມືອງ ຄະນະພັກກອງບັນຊາການທະຫານແຂວງ ຄະນະພັກກອງບັນຊາການທະຫານເມືອງ ພ້ອມດ້ວຍອ້າຍນ້ອງ ນາຍ ແລະ ພົນທະຫານຊາຍແດນ ກອງ ຄ 313 ເຂົ້າຮ່ວມ 36 ສະຫາຍ ຍິງ 12 ສະຫາຍ.

      ທ່ານ ພັທ ບຸນປອນ ບຸດຕະວົງ ຫົວໜ້າກອງຮ້ອຍທະຫານຊາຍແດນ 313 ໄດ້ຂຶ້ນຜ່ານບົດລາຍງານການເຄື່ອນໄຫວຂອງຄະນະຊາວໜຸ່ມກອງຮ້ອຍທະຫານຊາຍແດນ 313 ເຊິ່ງທ່ານໄດ້ຍົກໃຫ້ເຫັນຫຼາຍຜົນງານພົ້ນເດັ່ນ ຄຽງຄູ່ກັບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກຂອງຊາວໜຸ່ມລາວ ໂດຍຕິດພັນມະຕິ 3 ສ້າງຂອງພັກ ໃນການສ້າງບ້ານເປັນຫົວໜ່ວຍພັດທະນາ ສ້າງບ້ານປ້ອງກັນສູ້ຮົບໃນຂອບເຂດຄວາມຮັບຜິດຊອບຂອງກຳລັງປ້ອງກັນຊາດ ເຊິ່ງກອງ ຄ ຊາຍແດນ 313 ມີ 1 ໜ່ວຍ ມີສະມາຊິກຊາວໜຸ່ມທັງໝົດ 91 ສະຫາຍ ຍິງ 2 ສະຫາຍ ໄດ້ຮັບຮອງເປັນສະມາຊິກຊາວໜຸ່ມ 4 ບຸກ ຈຳນວນ 91 ສະຫາຍ ກວມເອົາ 100% ສະມາຊິກຊາວໜຸ່ມເຂົ້າເປັນສະມາຊິກພັກ ຈຳນວນ 15 ສະຫາຍ ແລະ ໄດ້ຮັບຮອງເປັນໜ່ວຍ 4 ບຸກແລ້ວໃນປີ 2017.

      ຈາກນັ້ນ ຮອງເລຂາຄະນະບໍລິຫານງານຊາວໜຸ່ມແຂວງ ກໍໄດ້ຂຶ້ນກ່າວມອບເຄື່ອງໃຫ້ອ້າຍນ້ອງຊາຍແດນ ຄ 313 ເຊິ່ງມີມູນຄ່າ 2.760.000 ກີບ ສຳລັບວັດຖຸສິ່ງຂອງທີ່ນຳມາມອບໃນຄັ້ງນີ້ປະກອບມີ ເຄື່ອງຮັບໃຊ້ຫ້ອງການ ພ້ອມດ້ວຍເຄື່ອງອຸປະໂພກ ແລະ ບໍລິໂພກຕ່າງໆ ແລະ ພາຍຫຼັງສໍາເລັດພິທີກໍມີການສ້າງຂະບວນການກີລາບານສົ່ງ ແລະກີລາເປຕັງຮ່ວມກັນ.

ຂ່າວ: ກັນຍາ ສີສົມຈັນ

Leave a Reply

Your email address will not be published. Required fields are marked *

*