ຈັດເຜີຍແຜ່ກົດໝາຍ ວ່າດ້ວຍການດຳເນີນຄະດີ ອາຍາ

 

ກົມກວດກາປ່າໄມ້ ກະຊວງກະສິກຳ ແລະ ປ່າໄມ້ ໄດ້ຈັດກອງປະຊຸມສຳມະນາ
ເພື່ອເຜີຍແຜ່ກົດໝາຍວ່າດ້ວຍການດຳເນີນຄະດີອາຍາຂື້ນ ໃນລະຫວ່າງວັນທີ
28-29 ມີນາ 2013 ນີ້ ທີ່ສູນ ICTC ຫລັກ 5 ນະຄອນຫລວງວຽງຈັນ
ໂດຍການເປັນປະທານຂອງທ່ານ ຄໍາພຸດ ພັນດານຸວົງ ຮັກສາການຫົວໜ້າ
ກົມກວດກາປ່າໄມ້ ກະຊວງກະສິກຳ ແລະ ປ່າໄມ້ ມີສຳມະນາກອນທີ່ມາຈາກ
ພະແນກການ ຫ້ອງການ ໜ່ວຍງານ ຂະແໜງການ ອົງການສືບສວນ-
ສອບສວນ ຂອງເຈົ້າໜ້າທີ່ປ່າໄມ້ປະຈຳ 4 ແຂວງພາກກາງ ຄື ນະຄອນຫລວງ
ວຽງຈັນ, ແຂວງວຽງຈັນ, ແຂວງຊຽງຂວາງ ແລະ ແຂວງບໍລິຄຳໄຊເຂົ້າຮ່ວມ.

ທ່ານ ຄໍາພຸດ ພັນດານຸວົງ
ຮັກສາການຫົວໜ້າກົມກວດກາປ່າໄມ້
ກະຊວງກະສິກຳ ແລະ ປ່າໄມ້

ການຈັດກອງປະຊຸມສຳມານາໃນຄັ້ງນີ້ ມີເປົ້າໝາຍເພື່ອແນ່ໃສ່ເຮັດໃຫ້ອົງການ
ສືບສວນ-ສອບສວນ ຂອງເຈົ້າໜ້າທີ່ປ່າໄມ້ມີຄວາມເຂັ້ມແຂງ, ມີຄວາມເຂົ້າໃຈ
ແລະ ມີຄວາມເປັນເອກະພາບຕໍ່ກັບເຈຕະນາລົມຂອງກົດໝາຍວ່າດ້ວຍການ
ດຳເນີນຄະດີອາຍາ ເພື່ອເປັນບ່ອນອີງ ແລະ ນຳໃຊ້ເຂົ້າໃນການຈັດຕັ້ງ
ປະຕິບັດໜ້າທີວຽກງານ ວິຊາສະເພາະຂອງຕົນໃຫ້ມີປະສິດທິພາບສູງ
ທັງຮັບປະກັນໃນການດຳເນີນຄະດີອາຍາໃຫ້ໄປຕາມຫລັກການ, ລະບຽບການ,
ມາດຕະການຢ່າງຖືກຕ້ອງ, ຍຸດຕິທຳ ແລະ ສອດຄ່ອງກັບລະບຽບກົດໝາຍ
ເປັນຕົ້ນຫລັກການພື້ນຖານໃນການດຳເນີນຄະດີອາຍາ, ການດຳເນີນຄະດີ
ສືບສວນ-ສອບສວນ ແລະ ມາດຕະການກວດຄົ້ນ ການຍຶດ ຫຼື ອາຍັດຊັບ
ຊຶ່ງກົດໝາຍວ່າດ້ວຍການດຳເນີນຄະດີອາຍາທີ່ນຳມາເຜີຍແຜ່ໃນຄັ້ງນີ້
ປະກອບມີ 15 ພາກ 275 ມາດຕາ.

ຂ່າວ/ພາບ: ເທພະວົງສອນ

 
 
 

0 Comments

You can be the first one to leave a comment.

 
 

Leave a Comment