ທະນາຄານ ຊີໄອເອັມບີໄທ ໄຂສາຂາຢູ່ ນະຄອນຫລວງວຽງຈັນ

ທະນາຄານ ຊີໄອເອັມບີໄທ ໄຂສາຂາຢູ່ ນະຄອນຫລວງວຽງຈັນ

Posted by

ໃນວັນທີ 29 ສິງຫາ 2014 ທີ່ບ້ານຫັດສະດີ ເມືອງຈັນທະບູລີ ນະຄອນຫລວງ
ວຽງຈັນ ທະນາຄານຊີໄອເອັມບີໄທ ປະເທດໄທ ໄດ້ຈັດພິທີໄຂສາຂາຕົວແທນ
ທະນາຄານຂອງຕົນຢູ່ ນະຄອນຫລວງວຽງຈັນ ສປປ.ລາວ ຢ່າງເປັນທາງການ
ໂດຍການເຂົ້າຮ່ວມຂອງທ່ານ ສອນໄຊ ສິດພະໄຊ ຮອງຜູ້ວ່າການທະນາຄານ
ແຫ່ງ ສປປ.ລາວ ທ່ານ ດາໂຕະ ຊາຣານີ ບິນອິບບຣາຮິມ ກຳມະການ
ທະນາຄານຊີໄອເອັມບີໄທ ຈຳກັດມະຫາຊົນ ປະເທດໄທ ມີຄະນະກຳມະການ
ຜູ້ອຳນວຍການໃຫຍ່ ແລະ ປະທານເຈົ້າໜ້າທີ່ບໍລິຫານທະນາຄານຊີໄອເອັມບີໄທ
ແລະ ພາກສ່ວນກ່ຽວຂ້ອງເຂົ້າຮ່ວມ.

ພິທີໄຂສາຂາຕົວແທນທະນາຄານຊີໄອເອັມບີໄທ ຢູ່ນະຄອນຫລວງວຽງຈັນ
ທີ່ບ້ານຫັດສະດີ ເມືອງຈັນທະບູລີ (29/08/2014)

….ທ່ານ ສຸພັກ ສີວະຣັກ ກຳມະການຜູ້ອຳນວຍການໃຫຍ່ປະທານເຈົ້າໜ້າທີ່
ບໍລິຫານທະນາຄານຊີໄອເອັມບີໄທ( CIMBTHAI ) ໄດ້ກ່າວວ່າ ການໄຂສາຂາ
ການບໍລິການຂອງທະນາຄານດັ່ງກ່າວ ຢູ່ນະຄອນຫລວງວຽງຈັນ ສປປ.ລາວ
ແມ່ນເປັນສາຂາທະນາຄານຕ່າງປະເທດແຫ່ງທຳອິດຂອງທະນາຄານ ແລະ
ເປັນສາຂາເປັນອັນດັບທີ 9 ໃນ 10 ກຸ່ມປະເທດອາຊຽນ ຂອງກຸ່ມທະນາຄານ
CIMB ຊຶ່ງເປັນສະຖາບັນການເງິນຂັ້ນນໍາໃນ ອາຊຽນ ທີ່ມີສາຂາຄວບຄຸມທົ່ວ
ພູມີພາກ ແລະ ທ່າແຮງໃນການບໍລິການລູກຄ້າລະດັບສາກົນ ການໄຂສາຂາ
ນະຄອນຫລວງວຽງຈັນໃນຄັ້ງນີ້ ຈະເປັນສ່ວນໜຶ່ງໃນການຂັບເຄື່ອນເສດຖະກິດ
ຂອງ ສປປ.ລາວ ທີ່ເປັນປະເທດທີ່ມີການເຕີບໂຕທາງດ້ານເສດຖະກິດສູງ ແລະ
ເປັນປະເທດຄູ່ຄ້າສຳຄັນຂອງປະເທດໄທ ໂດຍມີຈຸດມຸ່ງໝາຍໃນການໃຫ້ບໍລິການ
ລູກຄ້າທ້ອງຖິ່ນຕ່າງໆ ແລະ ລູກຄ້າທີ່ເຂົ້າມາລົງທຶນໃນ ສປປ.ລາວ ດ້ວຍ
ຜະລິດຕະພັນ ແລະ ບໍລິການດ້ານການເງິນທີ່ຄົບວົງຈອນເຊັ່ນ ບໍລິການເງິນຝາກ
ແລະ ສິນເຊື່ອ ປະກອບດ້ວຍເງິນຕາສະກຸນເງິນ ກີບ-ບາດ ແລະ ໂດລາສະຫະລັດ
ການບໍລິການທີ່ຕິດພັນກັບການຄ້າຕ່າງປະເທດເຊັ່ນ ບໍລິການທຸລະກຳການຄ້າ
ລະຫວ່າງປະເທດ ບໍລິການໂອນເງິນພາຍໃນປະເທດທັງຂາເຂົ້າ ແລະ ຂາອອກ
ຮວມທັງບໍລິການເເລກປ່ຽນເງິນຕາຕ່າງປະເທດ ຕະຫລອດຈົນເຖີງບໍລິການ
ດ້ານແຊັກ.
….ສາຂາທະນາຄານຊີໄອເອັມບີໄທ ນະຄອນຫລວງວຽງຈັນ ແມ່ນທະນາຄານ
ທຸລະກິດຂອງໄທ ອັນດັບທີ 7 ທີ່ເຂົ້າມາຈົດທະບຽນໃນ ສປປ.ລາວ ແລະ ແມ່ນ
ທະນາຄານທຸລະກິດຂອງຕ່າງປະເທດອັນດັບທີ 35 ໃນ ສປປ.ລາວ.

ຂ່າວ/ພາບ: ເທບພະວົງ

Leave a Reply

Your email address will not be published. Required fields are marked *

*