ທະນາຄານ ລາວ-ຝຣັ່ງ ເປີດສາຂາແຫ່ງໃໝ່ ຢູ່ທາດຫລວງ

 

ຕອນຄໍ່າວັນທີ 28 ກຸມພາຜ່ານມານີ້ ທີ່ບ້ານ ທາດຫລວງໃຕ້ ເມືອງໄຊເຊດຖາ
ນະຄອນຫລວງວຽງຈັນ ທະນາຄານ ລາວ-ຝຣັ່ງ ຈໍາກັດ ໄດ້ເປີດໜ່ວຍບໍລິການ
ສາຂາທາດຫລວງຂອງຕົນ ໂດຍການເຂົ້າຮ່ວມຂອງທ່ານ ກີໂຢມ ແປກດົງ
ຜູ້ອຳນວຍການໃຫຍ່ທະນາຄານລາວ-ຝຣັ່ງຈຳກັດ ພ້ອມອໍານາດການປົກຄອງ
ບ້ານທາດຫລວງໃຕ້ ແລະ ແຂກທີ່ຖືກເຊີນເຂົ້າຮ່ວມ.

ທ່ານ ກີໂຢມ ແປກດົງ ກ່າວໃນພິທີວ່າ ທະນາຄານ ລາວ-ຝຣັ່ງ ແມ່ນ
ໝາກຜົນການຮ່ວມທຸລະກິດລະຫວ່າງບໍລິສັດ ໂຄຟີເບຣດ ຊຶ່ງເປັນບໍລິສັດ
ສາຂາຂອງກຸ່ມທະນາຄານ ເບຣດບັງໂປປຸຍແລຣ໌ ຈາກປະເທດ ຝຣັ່ງ ແລະ
ທະນາຄານການຄ້າຕ່າງປະເທດລາວມະຫາຊົນ ສປປ.ລາວ ຊຶ່ງມາເຖິງປັດຈຸບັນ
ທະນາຄານ ລາວ-ຝຣັ່ງ ມີ 12 ໜ່ວຍບໍລິການຢູ່ ສປປ.ລາວ ແລະ ພາຍໃນປີ
2013 ຈະສືບຕໍ່ຂະຫຍາຍໜ່ວຍບໍລິການຂອງທະນາຄານຕື່ມອີກ 12 ສາຂາ
ຮວມທັງໝົດຈະມີ 25 ສາຂານັບທັງຢູ່ນະຄອນຫລວງວຽງຈັນ ແລະ ຢູ່ຕ່າງແຂວງ
ການເປີດສາຂາໜ່ວຍບໍລິການທາດຫລວງນີ້ ແມ່ນເພື່ອອຳນວຍຄວາມສະດວກ
ໃຫ້ແກ່ລູກຄ້າໃຫ້ຫລາຍຂຶ້ນ ດ້ວຍການບໍລິການທີ່ຫລາກຫລາຍຂອງທະນາຄານ
ຊຶ່ງມີພະນັກງານຊ່ຽວຊານດ້ານຕ່າງໆຄອຍໃຫ້ບໍລິການ ແລະ ຄໍາປຶກສາ
ດ້ານການເງິນ ການຝາກ-ການຖອນ ດ້ວຍດອກເບັ້ຍທີ່ສູງ ແລະ ສາມາດ
ໃຊ້ທັງບັດ ATM VISA ແລະ ອື່ນໆ. ທ່ານ ກີໂຢມ ແປກດົງ ຍັງໃຫ້ຮູ້ວ່າ
ໃນມໍ່ໆນີ້ ທະນາຄານ ລາວ-ຝຣັ່ງ ຈະເປີດສາຂາໜ່ວຍບໍລິການຢູ່ບັນດາແຂວງ
ພາກໃຕ້ຕື່ມອີກ.

ຂ່າວ/ພາບ: ເທພະວົງສອນ

 
 
 

0 Comments

You can be the first one to leave a comment.

 
 

Leave a Comment