ນຶ່ງປີຜ່ານມາ ທົ່ວປະເທດມີອຸປະຕິເຫດເກີດຂຶ້ນຕາມທ້ອງຖະໜົນ 5.610 ກໍລະນີ ມີຄົນເສຍຊີວິດຫຼາຍກວ່າ 1.000 ຄົນ

ນຶ່ງປີຜ່ານມາ ທົ່ວປະເທດມີອຸປະຕິເຫດເກີດຂຶ້ນຕາມທ້ອງຖະໜົນ 5.610 ກໍລະນີ ມີຄົນເສຍຊີວິດຫຼາຍກວ່າ 1.000 ຄົນ

Posted by

     ອີງຕາມການເປີດເຜີຍຂອງເຈົ້າໜ້າທີ່ຕໍາຫຼວດຈະລາຈອນ ກອງຄະດີອຸປະຕິເຫດທ້ອງຖະໜົນ ກົມຕໍາຫຼວດຈະລາຈອນ ກົມໃຫຽ່ຕໍາຫຼວດ ກະຊວງປ້ອງກັນຄວາມສະຫງົບ ໃນວັນທີ 05 ມັງກອນ 2016 ໃຫ້ຮູ້ວ່າ ໃນປີຜ່ານມາ ນັບແຕ່ເດືອນມັງກອນ ຫາ ເດືອນທັນວາ 2016 ມີອຸປະຕິເຫດຕາມທ້ອງຖະໜົນເກີດຂຶ້ນຢູ່ທົ່ວປະເທດທັງໝົດ 5.610 ກໍລະນີ ພາຫະນະເປ່ເພໜ້ອຍ 4.502 ຄັນ ເປ່ເພສົມຄວນ 5.520 ຄັນ ໃຊ້ການບໍ່ໄດ້ 381 ຄັນ ມີຄົນໄດ້ຮັບບາດເຈັບໜ້ອຍ 4.058 ຄົນ ບາດເຈັບສົມຄວນ 3.483 ຄົນ ບາດເຈັບສາຫັດ 1.371 ຄົນ ແລະ ເສຍຊີວິດ 1.086 ຄົນ.

     ໃນນັ້ນ ນະຄອນຫຼວງວຽງຈັນ ຍັງມີໂຕເລກອັນດັບນຶ່ງໃນການເກີດອຸປະຕິເຫດຕາມທ້ອງຖະໜົນ ມີທັງໝົດ 1.554 ກໍລະນີ ແລະ ເສຍຊີວິດ 261 ຄົນ ຮອງລົງມາແມ່ນແຂວງຈໍາປາສັກ ມີ 705 ກໍລະນີ ຄົນເສຍຊີວິດ 131 ຄົນ ສະຫວັນນະເຂດ 690 ກໍລະນີ ມີຄົນເສຍຊີວິດ 122 ຄົນ ອຸດົມໄຊ 519 ກໍລະນີ ເສຍຊີວິດ 45 ຄົນ ວຽງຈັນ 376 ກໍລະນີ ເສຍຊີວິດ 85 ຄົນ ຫຼວງພະບາງ 326 ກໍລະນີ ເສຍຊີວິດ 51 ຄົນ ບໍລິຄໍາໄຊ 318 ກໍລະນີ ເສຍຊີວິດ 56 ຄົນ ຫຼວງນໍ້າທາ 177 ກໍລະນີ ເສຍຊີວິດ 28 ຄົນ ສາລະວັນ 156 ກໍລະນີ ເສຍຊີວິດ 62 ຄົນ ບໍ່ແກ້ວ 141 ກໍລະນີ ເສຍຊີວິດ 35 ຄົນ ເຊກອງ 115 ກໍລະນີ ເສຍຊີວິດ 18 ຄົນ ຄໍາມ່ວນ 108 ກໍລະນີ ເສຍຊີວິດ 38 ຄົນ ຊຽງຂວາງ 105 ກໍລະນີ ເສຍຊີວິດ 26 ຄົນ ຜົ້ງສາລີ 100 ກໍລະນີ ເສຍຊີວິດ 14 ຄົນ ອັດຕະປື 91 ກໍລະນີ ເສຍຊີວິດ 25 ຄົນ ໄຊຍະບູລີ 71 ກໍລະນີ ເສຍຊີວິດ 68 ຄົນ ຫົວພັນ 57 ກໍລະນີ ເສຍຊີວິດ 25 ຄົນ ແລະ ແຂວງໄຊສົມບູນ 7 ກໍລະນີ ຍັງບໍ່ມີການລາຍງານຄົນເສຍຊີວິດ.

ຂ່າວ/ພາບ: ເທບພະວົງ

Leave a Reply

Your email address will not be published. Required fields are marked *

*