ບ້ານໜອງບຶກ ໄດ້ຮັບອາຄານ ຮຽນຫລັງໃໝ່

ບ້ານໜອງບຶກ ໄດ້ຮັບອາຄານ ຮຽນຫລັງໃໝ່

Posted by

ພິທີມອບ-ຮັບອາຄານຮຽນ ມັດທະຍົມຕອນຕົ້ນໜອງບຶກ ໄດ້ຈັດຂື້ນວັນທີ
22 ກຸມພາ 2013 ທີ່ບ້ານໜອງບຶກ ເມືອງສີໂຄດຕະບອງ ນະຄອນຫລວງ
ວຽງຈັນ ໂດຍໃຫ້ກຽດເຂົ້າຮ່ວມຂອງທ່ານ ບຸນນຳ ພັນສີທຸມ ຮອງເຈົ້າເມືອງ
ສີໂຄດຕະບອງ ທ່ານ ສຸດທະນີ ໄຊຍະສານ ຮອງຫົວຫນ້າພະແນກ
ສຶກສາທິການ ແລະ ກິລາ ນະຄອນຫລວງວຽງຈັນ ມີຫົວໜ້າຫ້ອງການ
ສຶກສາທີການ ແລະ ກິລາເມືອງ ຫົວໜ້າ ປກສ ກຸ່ມໜອງບຶກ ມີອຳນາດ
ການປົກຄອງບ້ານ ຄູ-ອາຈານ ນ້ອງໆນັກຮຽນ ແລະ ພໍ່ແມ່ປະຊາຊົນ
6 ບ້ານເຂົ້າຮ່ວມ.

ທ່ານ ສົມພັນ ຈຸນລະພານິດ ຫົວໜ້າບໍລິສັດ ເອັສພີລາວ ຈຳກັດກ່າວວ່າ:
“ ໂຄງການກໍ່ສ້າງອາຄານຮຽນດັ່ງກ່າວ ປະກອບມີ 5 ຫ້ອງຮຽນ 1
ຫ້ອງການ ແລະ 4 ຫ້ອງນໍ້າ ມີໂຄງສ້າງເບຕົງເສີມເຫລັກ ຝາກໍ່ດ້ວຍດິນຈີ່
ໂບກ 2 ໜ້າ ພ້ອມທາສີ ພື້ນອາຄານເທດ້ວຍເບຕົງເສີມເຫລັກ ຫລັງຄາ
ເປັນໂຄງເຫລັກມຸງດ້ວຍແຜ່ນ VXP ເພດານຮອບໃນເປັນແຜ່ນຍິບຊ້ຳ

ຮອບນອກໃສ່ກະເບື້ອງແຜ່ນລຽບພ້ອມໂຄງໄມ້ ນອກຈາກນັ້ນ ຍັງປະກອບມີ
ເຟີນີເຈີຄົບຊຸດ ສຳລັບໂຄງການດັ່ງກ່າວ ໄດ້ເລີ່ມກໍ່ສ້າງມາຕັ້ງແຕ່ກາງເດືອນ
ພຶດສະພາ 2012 ແລະ ສຳເລັດສົມບູນແຕ່ວັນທີ 15 ທັນວາ 2012
ໃນມູນຄ່າກໍ່ສ້າງທັງໝົດ 1.2 ຕື້ກີບ ແລະ ຂໍມອບໂຄງການດັ່ງກ່າວນີ້
ໃຫ້ແກ່ພະແນກສຶກສາທິການ ແລະ ກິລາ ນະຄອນຫລວງວຽງຈັນ
ນຳໃຊ້ ແລະ ຄຸ້ມຄອງຕໍ່ໄປ ”.

ຂ່າວ/ພາບ: ສ.ບົວພາ

Leave a Reply

Your email address will not be published. Required fields are marked *

*