ບໍລິສັດໂຄລາວດີວີລົບພິ່ງ ຈຳກັດ ນຳສະເໜີນະວັດຕະກຳໃໝ່ຂອງແດຮັນ ເປັນລົດກະບະເມກາຕຣອນ

ບໍລິສັດໂຄລາວດີວີລົບພິ່ງ ຈຳກັດ ນຳສະເໜີນະວັດຕະກຳໃໝ່ຂອງແດຮັນ ເປັນລົດກະບະເມກາຕຣອນ

Posted by

      ບໍລິສັດໂຄລາວດີວີລົບພິ່ງ ຈຳກັດ ໄດ້ນຳສະເໜີລົດກະບະຮຸ່ນໃໝ່ພາຍໃຕ້ຍີ່ຫໍ້ແດຮັນ ເມກາຕຣອນ (DAEHAN Megatron) ຖືເປັນພາຫະນະທີ່ສ້າງຂຶ້ນດ້ວຍມາດຕະຖານໃໝ່ ໂດຍນໍາໃຊ້ເຕັກໂນໂລຊີທີ່ທັນສະໄໝ ເຊິ່ງມາພ້ອມການອອກແບບຮູບຊົງພາຍນອກທີ່ໂດດເດັ່ນ ແຂງແຮງ ແລະ ມີເອກະລັກ ບວກກັບຄວາມຫຼູຫຼາຂອງຫ້ອງໂດຍສານພາຍໃນທີ່ສະຫງ່າງາມ.

      ​ພິທີແນະນຳລົດກະບະ DAEHAN Megatron ໄດ້ຈັດຂຶ້ນເມື່ອວັນທີ 11 ຕຸລາ 2017 ທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ນາງ ຖາວອນ ວົງສົມບັດ ປະທານບໍລິສັດໂຄລາວດີວີລົບພິ່ງ ຈຳກັດ ທ່ານ ບົວເພັດ ໄຊຍະສານ ຫົວໜ້າກົມຂົນສົ່ງ ກະຊວງໂຍທາທິການ ແລະຂົນສົ່ງ ທ່ານ ສຸພາວັນ ສໍຣາງກູນ CEO ບໍລິສັດໂຄລາວດີວີລົບພິ່ງ  ຈຳກັດ ມີບັນດາຜູ້ບໍລິຫານໂຄລາວ ບັນດາຄູ່ຮ່ວມທຸລະກິດ ແຂກຖືກເຊີນ ແລະ ລູກຄ້າປະຈຳຂອງໂຄລາວເຂົ້າຮ່ວມຢ່າງຫຼວງຫຼາຍ.

      ທ່ານ ໜູໄຊ ແຫວນສະຫວັນ ຜູ້ອຳນວຍການ ແລະບໍລິຫານຝ່າຍຂາຍ ບໍລິສັດໂຄລາວດີວີລົບພິ່ງ ຈຳກັດ ໃຫ້ຮູ້ວ່າ ແດຮັນ ເມກາຕຣອນ ປະກອບຂຶ້ນດ້ວຍເຕັກໂນໂລຊີສະໄໝໃໝ່ ເຊິ່ງຈະໃຫ້ປະສົບການໃໝ່ຂອງການຂັບຂີ່ດ້ວຍຮູບຊົງທີ່ໃຫຍ່ກວ່າ ແລະ ແຂງແຮງກວ່າ ຈິ່ງສາມາດຂັບເຄື່ອນໄດ້ຢ່າງຄ່ອງໂຕ ສະດວກສະບາຍ ແລະ ມີຄວາມປອດໄພສຳລັບການບັນທຸກ ແລະ ເດີນທາງໄລຍະໄກ ດ້ວຍນະວັດຕະກຳໃໝ່ໆທີ່ອອກແບບໃຫ້ໂດດເດັ່ນເກີນຄວາມຄາດຫວັງຂອງພາຫະນະປະເພດກະບະທີ່ເຄີຍມີມາ ດັ່ງນັ້ນ ຈິ່ງໝັ້ນໃຈໄດ້ວ່າ ລົດກະບະແດຮັນ ເມກາຕຣອນ ສາມາດຕອບໂຈດ ຫຼື ຕອບສະໜອງຄວາມຕ້ອງການຂອງລູກຄ້າໄດ້ຢ່າງສົມບູນແບບ ທັງເຊື່ອໝັ້ນວ່າຈະເປັນພາຫະນະຄູ່ກາຍ-ຄູ່ໃຈຂອງນັກຂັບຂີ່ຮຸ່ນໃໝ່ທີ່ມັກຄວາມທັນສະໄໝ.

ຂ່າວ: ໄຊມຸງຄຸນ

     

   

One Comment

  1. ທອງສະຫັວນ says:

    ສຸດບອດ ຢາກໄດ້ ແຕ່ເງິນບໍ່ພໍ ມີໂປໂມຊັນພິເສດບໍ່
    ມີຜ່ອນຖືກໆໄຫ້ພະນັກງານເງິນເດືອນໜ້ອຍໆແຕ່ຢາກຂີ່
    ຢາກໄຫ້ມີໂປໂມຊັນຖືກໆຄືຫບີຫໍ້ອື່ນໆແດ່ຫຼືເຮັດຄືແດຮັນລຸ້ນຜ່ານມາຫັນນາ
    ຜ່ອນ10ປີແຕ່ເອົາ50ເປີເຊັນມາຜ່ອນກ່ອນ5ປີ ແລ້ວອີກ5ປີ ປະໄວ້ກ່ອນຖ້າລູກຄ້າມີເງິນກໍສາມາດຈ່າຍໝົດໂດຍບໍ່ມີດອກເບ້ຍ

Leave a Reply

Your email address will not be published. Required fields are marked *

*