ບໍລິສັດ ວີເຄການຄ້າ ຂາອອກ-ຂາເຂົ້າຈໍາກັດ ພ້ອມສະໜອງກົນຈັກໜັກຮັບໃຊ້ໃນໂຄງການລົດໄຟ ລາວ-ຈີນ

ບໍລິສັດ ວີເຄການຄ້າ ຂາອອກ-ຂາເຂົ້າຈໍາກັດ ພ້ອມສະໜອງກົນຈັກໜັກຮັບໃຊ້ໃນໂຄງການລົດໄຟ ລາວ-ຈີນ

Posted by

     ບໍລິສັດວີເຄການຄ້າຂາອອກ-ຂາເຂົ້າຈໍາກັດ ນຶ່ງໃນບັນດາລາຍໃຫຽ່ດ້ານຜູ້ນໍາເຂົ້າກົນຈັກໜັກຈາກຕ່າງປະເທດ ໄດ້ເປີດເຜີຍວ່າພ້ອມແລ້ວທີ່ຈະເປັນຄູ່ຮ່ວມງານທີ່ດີໃນໂຄງການກໍສ້າງເສັ້ນທາງລົດໄຟ ລາວ-ຈີນ ໃນຖານະຜູ້ສະໜອງກົນຈັກຮັບໃຊ້ໂຄງການລະດັບໂລກ ເຊິ່ງຈະປາກົດຂຶ້ນຢ່າງສະຫງ່າຜ່າເຜີຍຜ່ານດິນແດນ ສປປ.ລາວ  ທັງນີ້ ທ່ານນາງ ວຽງຄໍາ ທອງນາລີ ຜູ້ອໍານວຍການບໍລິສັດວີເຄການຄ້າ ຂາອອກ-ຂາເຂົ້າຈໍາກັດ ໄດ້ໃຫ້ສໍາພາດຕໍ່ຜູ້ສື່ຂ່າວ ໃນວັນທີ 09 ມັງກອນ 2017 ທີ່ສໍານັກງານໃຫຽ່ບໍລິສັດວີເຄການຄ້າຂາອອກ-ຂາເຂົ້າຈໍາກັດ ນະຄອນຫຼວງວຽງຈັນ ວ່າ ວີເຄການຄ້າ ແມ່ນມີຊື່ສຽງ ແລະ ເປັນທີ່ຍອມຮັບຈາກຜູ້ໃຊ້ລົດຫຼາຍລະດັບ ນັບແຕ່ພາຫະນະບັນທຸກຂະໜາດນ້ອຍ ສໍາລັບຊາວກະສິກໍາ ຊາວຄ້າຂາຍ ໄປຈົນເຖິງໂຄງການຂະໜາດໃຫຽ່ທີ່ນໍາໃຊ້ລົດບັນທຸກຍີ່ຫໍ້ JAC ແລະ CNJ ເຊັ່ນ ລົດດາມ ລົດຈົກ ລົດໂລ ລົດໂມ້ປູນ ລົດຍິງປູນ ລົດເຄຣນ ແລະ ອື່ນໆ ພ້ອມນັ້ນທາງບໍລິສັດກໍໄດ້ນໍາເຂົ້າພາຫະນະກົນຈັກໜັກຈາກບໍລິສັດຊີໂນເທັກ ໂວນໂວ ຫຼຽວກົງ ທີ່ພວມໄດ້ຮັບຄວາມນິຍົມໃນບັນດາໂຄງການຕ່າງຂອງສາກົນ.

     ປັດຈຸບັນ ວິເຄການຄ້າ ມີສາຂາຈໍາໜ່າຍຢູ່ທົ່ວປະເທດ ພ້ອມສູນບໍລິການຫຼັງການຂາຍຄົບວົງຈອນ ແລະ ຊ່ຽວຊານ ວິຊາການສ້ອມແປງປະຈໍາ ເຊິ່ງເປັນຄົນລາວຫຼາຍສິບຄົນທີ່ພ້ອມເດີນທາງໄປແກ້ໄຂສະພາບໃຫ້ລູກຄ້າເຖິງທີ່ ພາຍໃນ 24 ຊົ່ວໂມງ ຢູ່ທຸກຈຸດທີ່ໂທລະສັບຫາ ສໍາລັບຫ້ອງວາງສະແດງຂາຍໃຫຽ່ແມ່ນຕັ້ງຢູ່ບ້ານໄຊມຸງຄຸນ ເມືອງນາຊາຍທອງ ນະຄອນຫຼວງວຽງຈັນ ແລະ ມີສາຂາໃຫຽ່ຢູ່ບໍລິຄໍາໄຊ ຄໍາມ່ວນ ສະຫວັນນະເຂດ ແລະ ແຂວງອື່ນໆອີກ ພິເສດເມື່ອບໍ່ດົນຜ່ານມານີ້ ບໍລິສັດວີເຄການຄ້າ ກໍໄດ້ຮັບກຽດ ແລະ ຄວາມໄວ້ວາງໃຈໃຫ້ເປັນນຶ່ງໃນຜູ້ສະໜອງພາຫະນະ ລົດໃຫຽ່-ລົດໜັກ ເຂົ້າຮັບໃຊ້ໂຄງການກໍ່ສ້າງເສັ້ນທາງລົດໄຟ ລາວ-ຈີນ ໃນແຕ່ລະໄລຍະ ໂດຍທາງບໍລິສັດກໍໄດ້ຂະຫຽາຍສາຂາໃຫຽ່ໄປທີ່ແຂວງຫຼວງພະບາງ ເພື່ອຮອງຮັບ ແລະ ຕອບສະໜອງໂຄງການດັ່ງກ່າວ.

     ທ່ານຜູ້ອໍານວຍການບໍລິສັດ ວີເຄການຄ້າ ຂາອອກ-ຂາເຂົ້າຈໍາກັດ ໃຫ້ຮູ້ຕື່ມອີກວ່າ ນອກຈາກສັນຫາພາຫະນະປະເພດລົດໃຫຽ່-ລົດໜັກຄຸນະພາບດີເຂົ້າມາຮັບໃຊ້ສັງຄົມລາວ ແລະ ໂຄງການຕ່າງໆໃນປະເທດແລ້ວ ກໍຍັງມຸ່ງພັດທະນານາຍຊ່າງໃຫ້ມີຄຸນະພາບ ເຊິ່ງໄດ້ຈັດສົ່ງໄປເຝິກອົບຮົມຢູ່ປະເທດໄທ ຈີນ ຫວຽດນາມ ແລະ ປະເທດອື່ນໆທີ່ເປັນຄູ່ຮ່ວມການຄ້າກັບວີເຄການຄ້າ ສໍາລັບທິດທາງແຜນການໃນປີ 2017 ແມ່ນຈະໄຂຫ້ອງວາງສະແດງ-ຂາຍເຄື່ອງໃຊ້ໄຟຟ້າຍີ່ຫໍ້ ໄຮເອີ້ ທຸກຊະນິດ ເຊິ່ງຕັ້ງຢູ່ເຂດບ້ານໜອງດ້ວງເໜືອ ເມືອງສີໂຄດຕະບອງ ນະຄອນຫຼວງວຽງຈັນ ຄາດວ່າຈະມີຂຶ້ນໃນເດືອນເມສາ 2017 ທີ່ຈະມາເຖິງນີ້.

ຂ່າວ/ພາບ: ເທບພະວົງ

Leave a Reply

Your email address will not be published. Required fields are marked *

*