ປກສ ນວ ຖະແຫລງກ່ຽວກັບການປະທະກຸ່ມຄົນຮ້າຍ

 


ວັນທີ 25 ກໍລະກົດນີ້ ທີ່ຫ້ອງຕຳຫລວດພະແນກຕຳຫລວດຈະລາຈອນ
ນະຄອນຫລວງວຽງຈັນ ທ່ານພັນໂທ ສະຫລອງ ແສງອາທິດ ຫົວໜ້າ
ຫ້ອງຕຳຫລວດ ປ.ກ.ສ ນະຄອນຫລວງ ໄດ້ຖະແຫລງຂ່າວຕໍ່ສື່ມວນຊົນ
ກ່ຽວກັບເຫດການທີ່ເຈົ້າໜ້າທີ່ຕຳຫລວດສະເພາະກິດ ປ.ກ.ສ
ນະຄອນຫລວງວຽງຈັນຍິງປະທະກັບຄົນຮ້າຍຢູ່ສະຖານທີ່ມົ້ວສຸມຢາເສບຕິດ
ທີ່ໜ່ວຍ 65 ບ້ານໜອງທາເໜືອ ເມືອງຈັນທະບູລີ ນະຄອນຫລວງວຽງຈັນ
ເຮັດໃຫ້ຄົນຮ້າຍເສຍຊີວິດຄາທີ່ ທ່ານຫົວໜ້າຫ້ອງຕຳຫລວດ ປ.ກ.ສ
ນະຄອນຫລວງໃຫ້ຮູ້ວ່າ ເພື່ອປະຕິບັດຕາມທິດຊີ້ນຳຂອງ ກະຊວງປ້ອງກັນ
ຄວາມສະຫົງບ ກໍຄືເຈົ້າຄອງນະຄອນຫລວງວຽງຈັນ ໃນການສຸມໃສ່ແກ້ໄຂ
ບັນຫາປາກົດການຫຍໍ້ທໍ້ຢູ່ໃນຕົວເມືອງໂດຍສະເພາະເປົ້າໝາຍປຸ້ນຈີ້ຊິງຊັບ
ພົນລະເມືອງ ແລະ ມີອາວຸດເສິກໄວ້ໃນຄອບຄອງ ດັ່ງນັ້ນໜ່ວຍງານແກ້ໄຂ
ປະກົດການຫຍໍ້ທໍ້ນະຄອນຫລວງວຽງຈັນໄດ້ສົມທົບກັບ ປ.ກ.ສ
ເມືອງຈັນທະບູລີ ໄດ້ເຂົ້າໄປປິດລ້ອມສະຖານທີ່ມົ້ວສຸມຢາເສບຕິດ ແລະ
ບ່ອນພັກພາອາໄສຂອງກຸ່ມທ້າວວິລະເດດ ທ້າວສຸລິຈັນ ບ້ານໜອງທາເໜືອ
ໜ່ວຍ 65 ເມືອງຈັນທະບູລີ ນະຄອນຫລວງວຽງຈັນ ຂະນະທີ່ກຳລັງ
ເຈົ້າໜ້າທີ່ ກຳລັງເຂົ້າປິດລ້ອມນັ້ນທ້າວວິລະເດດໄດ້ເອົາອາວຸດເສິກຍິງໃສ່
ເຈົ້າໜ້າທີ່ຈຳນວນ 3-4 ນັດ ຖືກເຈົ້າໜ້າທີ່ 1 ນັດໄດ້ຮັບບາດເຈັບ ສະນັ້ນ
ເພື່ອເປັນການປ້ອງກັນໂຕ ກຳລັງເຈົ້າໜ້າທີ່ໄດ້ຍິງຕອບໂຕ້ຈົນທ້າວວິລະເດດ
ເສຍຊີວິດຄາທີ່ ພາຍຫລັງຄົນຮ້າຍເສຍຊີວິດແລ້ວ ທາງເຈົ້າໜ້າທີ່ໄດ້ສົມທົບ
ກັບພາກສ່ວນກ່ຽວຂ້ອງ ກອງນິຕິວິທະຍາ ແລະ ຕຳຫລວດກຸ່ມ ອຳນາດ
ການປົກຄອງບ້ານໜອງທາເໜືອ ກວດກາສະຖານທີ່ເກີດເຫດ ພົບເຫັນ
ລົດຈັກຈຳນວນ 3 ຄັນຄື: ຄັນທີ 1 ລົດຈັກ ຍີ່ຫໍ້ຮອນດ້າເວັບ 100
ສີແດງ-ດຳ ບໍ່ມີປ້າຍ ຄັນທີ 2 ລົດຈັກຍີ່ຫໍ້ຢາມາຮາມີໂອ ສີຟ້າ-ດຳ
ບໍ່ມີປ້າຍ ຄັນທີ 3 ລົດຈັກເວັບຈີນ ສີຟ້າ-ດຳ ບໍ່ມີປ້າຍ ແລະ ປືນສັ້ນ
ຊະນິດ k59 ຈຳນວນ 1 ກະບອກ.

ຂ່າວ/ພາບ : ທັ່ນເທບ.

 
 
 

3 Comments

  1. ks says:

    ຂໍຊົມເຊີຍເຈົ້າໜ້າທີ ປກສ ທຸກໆທ່ານທີເຮັດໜ້າທີຢ່າງອົງອາດກ້າຫານ. ຢ່າໄດ້ອ່ອນໄຫວຕໍ່ພວກບໍ່ດີ ກໍຄືພວກຊື້ຈ້າງຈອບອອຍ ແລະເຮັດຜິດກົດໝາຍ.

  2. Konglee says:

    I need help from you to contact that car Vigo Camp
    ຂຮ 6363

  3. Fong says:

    ຂໍຊົມເຊີຍໃນຄວາມກ້າຂອງ ປກສ ທຸກໆທ່ານ

 
 

Leave a Comment