ຜູ່ບໍລິຫານສູນພັດທະນາສີມືແຮງງານລາວ ໄດ້ຮັບການຍົກລະດັບເພື່ອເພີ່ມຄວາມເຂັ້ມແຂງດ້ານວິຊາການ

ຜູ່ບໍລິຫານສູນພັດທະນາສີມືແຮງງານລາວ ໄດ້ຮັບການຍົກລະດັບເພື່ອເພີ່ມຄວາມເຂັ້ມແຂງດ້ານວິຊາການ

Posted by

     ຜູ່ບໍລິຫານສູນພັດທະນາສີມືແຮງງານລາວ 5 ແຂວງ ແລະ ອີກ 2 ແຫ່ງໃນນະຄອນຫຼວງວຽງຈັນ ໄດ້ເຂົ້າຮັບການເຝິກອົບຮົມວຽກງານພັດທະນາສີມືແຮງງານ ເຊິ່ງການເຝິກອົບຮົມຄັ້ງນີ້ນອນຢູ່ໃນແຜນຍຸດທະສາດພັດທະນາສີມືແຮງງານລາວ ໄລຍະ 2016-2020 ເຊິ່ງຈັດຕັ້ງປະຕິບັດໂດຍສະຖາບັນພັດທະນາສີມືແຮງງານ ລາວ-ເກົາຫຼີ ເພື່ອສ້າງແຮງງານທີ່ມີຄຸນະພາບ ພ້ອມທັງວາງແຜນງານຢ່າງສອດຄ່ອງກັບຄວາມຕ້ອງການຂອງຕະຫຼາດໃນຍຸກເຊື່ອມໂຍງ.

     ຊຸດເຝິກອົບຮົມວຽກງານພັດທະນາສີມືແຮງງານໃຫ້ແກ່ຜູ່ບໍລິຫານ ໄດ້ຈັດຂຶ້ນໃນລະຫວ່າງວັນທີ 13-17 ກຸມພາ 2017 ທີ່ສະຖາບັນພັດທະນາສີມືແຮງງານ ລາວ-ເກົາຫຼີ ນະຄອນຫຼວງວຽງຈັນ ໂດຍການໃຫ້ກຽດໄຂຊຸດເຝິກອົບຮົມຢ່າງເປັນທາງການໂດຍ ທ່ານ ຈັນທະຈອນ ຜ່ານນະວົງ ຮອງອຳນວຍການສະຖາບັນພັດທະນາສີມືແຮງງານ ລາວ-ເກົາຫຼີ ແລະໃຫ້ກຽດບັນລະຍາຍໂດຍ ທ່ານ ພູວຽງ ພູວິໄລ ຮອງຫົວໜ້າກົມອາຊີວະສຶກສາ ກະຊວງສຶກສາທິການ ແລະກີລາ.

     ບັນດາບຸກຄະລາກອນທີ່ເຂົ້າຮ່ວມການເຝິກອົບຮົມໃນຄັ້ງນີ້ປະກອບມີ ຜູ່ບໍລິຫານສູນພັດທະນາສີມືແຮງງານແຂວງສະຫວັນນະເຂດ ຈຳປາສັກ ອັດຕະປື ບໍ່ແກ້ວ ແລະ ແຂວງອຸດົມໄຊ ພ້ອມນີ້ ກໍມີຜູ້ບໍລິຫານສູນພັດທະນາສີມືແຮງງານໂພນພະເນົາ ແລະ ສະຖາບັນພັດທະນາສີມືແຮງງານ ລາວ-ເກົາຫຼີ ນະຄອນຫຼວງວຽງຈັນ ສຳລັບຫຼັກສູດແມ່ນເນັ້ນໃສ່ເນື້ອໃນການຊີ້ນຳ-ນຳພາວຽກງານ ພ້ອມທັງລະດັບມາດຕະຖານສີມືແຮງງານ ໂຄງປະກອບ ມາດຕະຖານສີມືແຮງງານລາວ ເຕັກນິກການວິເຄາະອາຊີບ ໜ້າວຽກ ແລະ ອົງປະກອບໜ້າວຽກ ພ້ອມທັງການວາງແຜນພັດທະນາອາຊີບ ແລະ ສີມືຢ່າງສອດຄ່ອງກັບຄວາມຕ້ອງການຂອງຕະຫຼາດແຮງງານໃນຍຸກເຊື່ອມໂຍງ ເຊິ່ງເປັນນຶ່ງໃນຍຸດທະສາດການພັດທະນາຄົນຕາມແນວທາງນະໂຍບາຍຂອງພັກ ແລະ ລັດຖະບານ ແຫ່ງ ສປປ.ລາວ.

ຂ່າວ:   ສົມຈັນ

Leave a Reply

Your email address will not be published. Required fields are marked *

*