ສສ.ຫວຽດນາມ ແລະ ສປປ.ລາວ ຈະເພີ່ມທະວີການຮ່ວມມືທາງດ້ານ ວັດທະນະທຳ ສິລະປະ ແລະ ການທ່ອງທ່ຽວ

ສສ.ຫວຽດນາມ ແລະ ສປປ.ລາວ ຈະເພີ່ມທະວີການຮ່ວມມືທາງດ້ານ ວັດທະນະທຳ ສິລະປະ ແລະ ການທ່ອງທ່ຽວ

Posted by

ໃນວັນທີ 09 ກັນຍາ 2015 ຢູ່ທີ່ໂຮງແຮມ ເຣັກ (REX HOTEL) ນະຄອນ ໂຮ່ຈີມິນ ສສ.ຫວຽດນາມ ໄດ້ມີພິທີພົບປະສອງຝ່າຍລະຫວ່າງເຈົ້າໜ້າທີ່ຂັັ້ນສູງຂອງກະຊວງ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ຂອງ ສປປ.ລາວ ແລະ ກະຊວງ ວັດທະນະທຳ ກິລາ ແລະ ທ່ອງທ່ຽວ ສສ.ຫວຽດນາມ ເຊິ່ງຕາງໜ້າຝ່າຍລາວ ນໍາໂດຍທ່ານ ຈະເລີນ ວາລິນທະລາສັກ ລັດຖະມົນຕີຊ່ອຍວ່າການກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ສປປ.ລາວ ທ່ານ ແກ້ວພິລາວັນ ອາໄພລາດ ຮອງເຈົ້າຄອງ ນະຄອນຫຼວງວຽງຈັນ ພ້ອມດ້ວຍຄະນະ ຝ່າຍຫວຽດນາມ ນຳໂດຍທ່ານ ຮວາງ ຕວນແອງ ລັດຖະມົນຕີວ່າການກະຊວງ ວັດທະນະທໍາ ກິລາ ແລະ ທ່ອງທ່ຽວ ສສ.ຫວຽດນາມ ພ້ອມດ້ວຍຄະນະ.

ພິທີເຊັນສັນຍາການຮ່ວມມືດ້ານວັດທະນະທຳ ສິລະປະ ແລະ ການທ່ອງທ່ຽວລະຫວ່າງ ສສ.ຫວຽດນາມ ແລະ ສປປ.ລາວ (ທີ່ນະຄອນໂຮຈີມິນ 09/09/2015)

ພິທີເຊັນສັນຍາການຮ່ວມມືດ້ານວັດທະນະທຳ ສິລະປະ ແລະ ການທ່ອງທ່ຽວລະຫວ່າງ ສສ.ຫວຽດນາມ ແລະ ສປປ.ລາວ (ທີ່ນະຄອນໂຮຈີມິນ 09/09/2015)

…….ໃນພິີທີພົບປະ ທັງສອງຝ່າຍໄດ້ສົນທະນາກັນໃນຫຼາຍໆບັນຫາ ເຊິ່ງຕ່າງກໍໄດ້ຍ້ອງຍໍຊົມເຊີຍຕໍ່ກັບສາຍພົວພັນ ແລະ ການຮ່ວມມືທີ່ດີຕໍ່ກັນໃນດ້ານວຽກງານວັດທະນະທຳ ສິລະປະ ແລະ ການທ່ອງທ່ຽວ ໃນ 5 ປີທີ່ຜ່ານມາ (2011–2015) ພ້ອມທັງໄດ້ປຶກສາຫາລືໃນການວາງທິດທາງແຜນການຮ່ວມມືໃນອີກ 5 ປີຕໍ່ໜ້າ (2016–2020) ເຊິ່ງຈະໄດ້ສຸມໃສ່ໃນສາມຂົງເຂດຫຼັກໆຄື ວັດທະນະທຳ ສິລະປະ ແລະ ການທ່ອງທ່ຽວ.

…….ນອກນັ້ນ ກໍຍັງຈະໄດ້ມີການສືບຕໍ່ແລກປ່ຽນບົດຮຽນນຳກັນໃນຫຼາຍໆດ້ານ ບໍ່ວ່າຈະເປັນທາງດ້ານການພັດທະນາບຸກຄະລາກອນ ການເຝິກອົບຮົມ ການລົງທຶນ ແລະ ການສົ່ງເສີມທາງດ້ານການພັດທະນາຜະລິດຕະພັນການທ່ອງທ່ຽວ ເຊິ່ງໃນຕອນທ້າຍພິທີ ກໍໄດ້ມີການເຊັນສັນຍາຮ່ວມກັນລະຫວ່າງສອງຂະແໜງການຂອງ ສປປ.ລາວ ແລະ ສສ.ຫວຽດນາມ ໂດຍການເຂົ້າຮ່ວມເປັນສັກຂີພິຍານຂອງບັນດາແຂກທີ່ມີກຽດຂອງທັງສອງຝ່າຍ.

ຂ່າວ/ພາບ: ປານີນາ ຈັນທະນະຄອນ (ລາຍງານຈາກ ນະຄອນ ໂຮຈີມິນ ສສ.ຫວຽດນາມ)

Leave a Reply

Your email address will not be published. Required fields are marked *

*