ພິທີສະເຫລີມສະຫລອງວັນຊາວໜຸ່ມສາກົນປະຈຳປີ 2012

 


ຕອນເຊົ້າວັນທີ 17 ສິງຫານີ້ ທີ່ສູນກາງ ຊາວໜຸ່ມປະຊາຊົນປະຕິວັດລາວ (ຊປປລ) ອົງການສະຫະປະຊາຊາດ (ສປຊ)
ກອງທຶນສຳລັບປະຊາກອນ (UNFPA) ໄດ້ຮ່ວມສູນກາງ ຊປປລ ຈັດພິທີສະເຫລີມສະຫລອງວັນຊາວໜຸ່ມສາກົນ ວັນທີ 17 ສິງຫາ
ປະຈຳປີ 2012 ພາຍໃຕ້ຄຳຂວັນ ສ້າງໂລກໃຫ້ສົດໃສ ຮ່ວມໃຈກັບໄວໜຸ່ມ ໂດຍການເປັນປະທານຂອງ
ທ່ານ ດຣ.ວິໄລວົງ ບຸດດາຄຳ ເລຂາຄະນະບໍລິຫານງານສູນກາງ ຊປປລ ທ່ານ ດຣ.ນາງ Esther Muia ຜູ້ຕາງໜ້າອົງການ
ສປຊ ກອງທຶນສຳລັບປະຊາກອນ ມີບັນດາເລຂາ-ຮອງເລຂາຄະນະບໍລິຫານງານຊາວໜຸ່ມອ້ອມຂ້າງສູນກາງ ນະຄອນຫລວງວຽງຈັນ
ຈາກເມືອງ ແລະ ສະມາຊິກ ຊປປລ ເຂົ້າຮ່ວມເປັນຈຳນວນຫລວງຫລາຍ.

ການຈັດພິທີສະເຫລີມສະຫລອງວັນດັ່ງກ່າວນີ້ ແມ່ນເປັນການຮ່ວມສະຫລອງກັບປະເທດອື່ນໆໃນໂລກທີ່ມີຈຳນວນຊາວໜຸ່ມທັງໝົດ
ກວ່າ 1,8 ຕື້ຄົນ ໃນນັ້ນ 43% ຂອງປະຊາກອນໂລກແມ່ນມີອາຍຸຕ່ຳກວ່າາ 25 ປີ ສຳລັບຢູ່ ສປປ ລາວ ມີໄວໜຸ່ມກວມ 60% ຂອງ
ປະຊາກອນ ແລະ ການສະເຫລີມສະຫລອງພາຍໃຕ້ຄຳຂວັນ ສ້າງໂລກໃຫ້ສົດໃສ ຮ່ວມໃຈກັບໄວໜຸ່ມ ນີ້ເປັນການຮຽກຮ້ອງໃຫ້ບັນດາ
ຊາວໜຸ່ມ ໄວໜຸ່ມໄດ້ມີສ່ວນຮ່ວມໃນການສ້າງໂລກໃຫ້ດີຂຶ້ນ ປະກອບສ່ວນສ້າງສາພັດທະນາເສດຖະກິດ-ສັງຄົມໃຫ້ເຕີບໃຫຍ່ເຂັ້ມແຂງ
ຊຶ່ງການສະເຫລີມສະຫລອງໃນຄັ້ງນີ້ໄດ້ມີຫລາຍກິດຈະກຳເຊັ່ນ: ວາງສະແດງຮູບພາບການເຄື່ອນໄຫວຂອງຊາວໜຸ່ມລາວ ການສົນທະນາ
ແລກປ່ຽນ ຖອດຖອນບົດຮຽນດ້ານຂໍ້ມູນຂ່າວສານ ການໃຫ້ຄຳປຶກສາກ່ຽວກັບສຸຂະພາບໄວໜຸ່ມ ການຖາມ-ຕອບຄວາມຮູ້ຮອບໂຕ ແລະ
ກິດຈະກຳອື່ນໆອີກຈຳນວນໜຶ່ງ.

ຂ່າວ/ພາບ: ເທພະວົງສອນ.

 
 
 

0 Comments

You can be the first one to leave a comment.

 
 

Leave a Comment