ພິທີໄຂ ສູນຜະລິດຮູບເງົາ ແລະ ລາຍການ ໂທລະພາບລາວ

 

ກົມຮູບເງົາ ກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ ຮ່ວມກັບ
ລັດວິສາຫະກິດປະສົມລາວ-ຈີນ ໄດ້ຈັດພິທີໄຂສູນຜະລິດຮູບເງົາ ແລະ
ລາຍການໂທລະພາບລາວຂຶ້ນ ໃນຕອນແລງວັນທີ່ 2 ສິງຫາ 2013 ຢູ່ທີ່
ກົມຮູບເງົາ ກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ
ໂດຍການເປັນປະທານຂອງທ່ານ ບຸນເຈົ້າ ພິຈິດ ຫົວໜ້າກົມຮູບເງົາ
ກະຊວງ ຖະແຫລງຂ່າວ ວັດທະນະທຳ ແລະ ທ່ອງທ່ຽວ
ທ່ານ ເຈົ່າຊິນຢຸນ ອຳນວຍການລັດວິສາຫະກິດປະສົມລາວ-ຈີນ
ໂດຍການເຂົ້າຮ່ວມຂອງທ່ານ ໜູໄຜ່ ກຸນລະວົງ ຫົວໜ້າກົມຈັດຕັ້ງ
ກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ ມີພາກສ່ວນ
ກ່ຽວຂ້ອງທັງຂອງລາວ ແລະ ຈີນ ເຂົ້າຮ່ວມ.

ພິທີໄຂສູນຜະລິດຮູບເງົາ ແລະ ລາຍການໂທລະພາບລາວ

ທ່ານ ບຸນເຈົ້າ ພິຈິດ ໄດ້ກ່າວໃນພິທີວ່າ ການສ້າງຕັ້ງສູນຜະລິດຮູບເງົາ ແລະ
ໂທລະພາບລາວໃນຄັ້ງນີ້ ຈະເປັນໃບໜ້າອັນໃໝ່ສຳລັບວຽກງານການຜະລິດ
ຮູບເງົາ ແລະ ລາຍການໂທລະພາບລາວໃຫ້ມີທັງປະລິມານ ແລະ ຄຸນະພາບ
ປະກອບສ່ວນສຳຄັນເຂົ້າໃນການພັດທະນາ ຂອງຂະແໜງ ຖະແຫລງຂ່າວ
ວັດທະນະນທຳ ແລະ ທ່ອງທ່ຽວ ເວົ້າລວມ ເວົ້າສະເພາະ ແມ່ນຂົງເຂດ
ວຽກງານຮູບເງົາ ແລະ ໂທລະພາບຂອງ ສປປ.ລາວ ໃຫ້ດີຂຶ້ນເປັນກ້າວໆ
ໂດຍໄດ້ວາງເປົ້າໝາຍສູ້ຊົນໃນການຜະລິດຮູບເງົາເລື່ອງຕ່າງໆໃຫ້ໄດ້ 1 ເລື່ອງ
ຕໍ່ປີ ແລະ ຮູບເງົາສາລະຄະດີໃຫ້ໄດ້ 5 ເລື່ອງຕໍ່ປີ ການຜະລິດຮູບເງົາ ແລະ
ລາຍການໂທລະພາບດັ່ງກ່າວແມ່ນ ເປັນຮູບແບບວິສາຫະກິດປະສົມລາວ-ຈີນ
ຊຶ່ງຝ່າຍລາວຖືຫຸ້ນ 15% ແລະ ຝ່າຍຈີນຖືຫຸ້ນ 85%.

ຂ່າວ/ພາບ: ເທພະວົງສອນ

 
 
 

0 Comments

You can be the first one to leave a comment.

 
 

Leave a Comment