ລາວ – ຫວຽດນາມ ຈະຍົກລະດັບການພົວພັນຮ່ວມມື 2 ຝ່າຍ ໃຫ້ແໜ້ນແຟ້ນຂຶ້ນກວ່າເກົ່າ

ລາວ – ຫວຽດນາມ ຈະຍົກລະດັບການພົວພັນຮ່ວມມື 2 ຝ່າຍ ໃຫ້ແໜ້ນແຟ້ນຂຶ້ນກວ່າເກົ່າ

Posted by

ຕາມຂ່າວຈາກວິທະຍຸກະຈາຍສຽງຫວຽດນາມ

     ຕອນ​ເຊົ້າ​ວັນ​ທີ 08 ກຸມພາ 2017 ນີ້ ຢູ່ທີ່​ຮ່າ​ໂນ້ຍ ທ່ານ​ນາຍົກລັດຖະມົນຕີຫວຽດນາມ ຫງວຽນ​ຊວນ​ຟຸກ ​ແລະ ທ່ານ​ນາຍົກລັດຖະມົນຕີລາວ ທອງ​ລຸນ ສີ​ສຸ​ລິດ ​ໄດ້ເປັນ​ປະທານ​ຮ່ວມ​ກອງ​ປະຊຸມ​ຄັ້ງ​ທີ 39 ຂອງຄະນະ​ກຳມະການ​ລະ​ຫວ່າງ​ລັດຖະບານ​ກ່ຽວ​ກັບ​ການ​ຮ່ວມ​ມື ຝ່າຍ ຫວຽດນາມ – ລາວ ກອງ​ປະຊຸມ​ຄັ້ງນີ້ ​ແນ​ໃສ່​ຕີ​ລາຄາ​ສະພາບ​ການ​ປະຕິບັດ​ຂໍ້​ຕົກລົງ​ກ່ຽວ​ກັບ​ແຜນການ​ຮ່ວມ​ມື ຫວຽດນາມ – ລາວ ປີ 2016  ໄດ້ມີການ​ແລກປ່ຽນຄໍາຄຶດເຫັນ ​ແລະ ຕົກລົງ​ເປັນ​ເອກະ​ພາບ​ກ່ຽວ​ກັບ​ທິດ​ທາງ​ໜ້າ​ທີ່​ການ​ຮ່ວມ​ມື​ປີ 2017 ບົນ​ພື້ນຖານ​ການຫາລືກັນນັ້ນ 2 ຝ່າຍ​ໄດ້ລົງ​ນາມ​​ໃນ​ບັນດາ​ເອກະສານ​ຮ່ວມ​ມື ປະ​ເທດ

     ໃນໂອກາດກ່າວ​ຄຳ​ເຫັນ​ໄຂ​ກອງ​ປະຊຸມ ທ່ານ​ນາຍົກລັດຖະມົນຕີ ຫງວຽນຊວນ​ຟຸກ ຊີ້​ແຈ້ງວ່າ ນີ້​ແມ່ນ​ກອງ​ປະຊຸມ​ຄັ້ງ​ທຳ​ອິດ ​ໂດຍ​ນາຍົກລັດຖະມົນຕີທັງ ທ່ານ​ເປັນ​ປະທານ​ຮ່ວມ  ເຊິ່ງເປັນການຍົກ​ລະດັບ​ການ​ພົວພັນ​ຮ່ວມ​ມື ຝ່າຍ​ໃນ​ການ​ຊີ້​ນຳ​ນຳພາ​ບໍລິຫານ  ຜັນ​ຂະຫຽາຍ​ການປະຕິບັດ​ບັນດາ​ຂໍ້​ຕົກລົງ​ຮ່ວມ​ມື ປະ​ເທດ ພິ​ເສດ​ປີ 2017 ນີ້ ທັງປະ​ເທດ​ພວມ​ມຸ່ງ​ໄປ​ສູ່ການ​ສະ​ເຫຼີ​ມສະຫຼອງ 55 ປີ​ແຫ່ງ​ວັນ​ສ້າງ​ຕັ້ງ​ການ​ພົວພັນ​ທາງ​ການ​ທູດ ​ແລະ 40 ປີ​ແຫ່ງ​ວັນ​​ເຊັນ​ສົນທິສັນຍາ​ມິດຕະພາບ ​ແລະ ຮ່ວມ​ມື​ລະຫວ່າງ ຫວຽດນາມ ​ແລະ ລາວ  ໂດຍໄດ້ສັງເກດຕີ​ລາຄາເຖິງການພົວພັນໃນ​ໄລຍະ​ຜ່ານ​ມາວ່າ 2 ຝ່າຍ​ໄດ​້ບູລະນະ​ຄະ​ນະ​ກຳມະການ​ຮ່ວມ​ມື​ແຕ່ລະ​ປະ​ເທດ ​ໂດຍ​ລັດຖະມົນຕີ​ກະຊວງ​ແຜນການ ​ແລະ ລົງທຶນ ​​ເປັນ​ປະທານ​ຄະນະ​ກຳມະການ ທ່ານ​ນາຍົກ​ລັດຖະມົນຕີ ​ເຊື່ອ​ໝັ້ນ​ວ່າ ປະທານ​ຄະນະ​ກຳມະການ ທ່ານ​ຈະ​ສືບ​ຕໍ່​ຊີ້​ນຳ​ນຳພາ​ຜັນ​ຂະ​ຫຽາ​ຍຢ່າງ​ໄວ ຮັບປະກັນ​ຜົນ​ສັກສິດ​ຂອງ​ບັນດາ​ເນື້ອ​ໃນ​ການ​ຮ່ວມ​ມື​ລະຫວ່າງ ຝ່າຍ​ຢ່າງ​ມີ​ປະສິດ​ທິຜົນ ພ້ອມນັ້ນ ທ່ານ​ນາຍົກ​ລັດຖະມົນ​ຕີ ຫງວຽນ​ຊວນ​ຟຸກ ຍັງສະ​ເໜີ​ວ່າ

        ຂ້າພະ​ເຈົ້າ​ສະ​ເໜີ​ຄະນະ​ຜູ້​ແທນ ປະ​ເທດ​ເສີມ​ຂະຫຍຽຍພູມ​ປັນຍາ  ຕີ​ລາຄາ​ລະອຽດ ພາວະ​ວິ​ໄສ ໝາກຜົນ​ແຫ່ງການ​ຮ່ວມ​ມື​ໃນ​ໄລຍະ​ຜ່ານ​ມາ ສະ​ເໜີ​ບັນດາ​ມາດ​ຕະການ​ແກ້​ໄຂ​ທີ່ມີ​ປະສິດທິ​ຜົນ ບັນດາ​ຂໍ້​ລິ​ເລີ່​ມທີ່ມີ​ຄວາມ​ໝາຍ ນຳ​ບັນດາ​ຂໍ້​ຕົກລົງ​ຮ່ວມ​ມື​ຂັ້ນ​ສູງ​ເຂົ້າ​ໃນບັນດາ​ແຜນການ​ຮ່ວມ​ມື​ລະອຽດ​ເປັນ​ປະຈຳ​ປີ ຍົກ​ສູງ​ໝາກຜົນ​ແຫ່ງ​ການ​ຮ່ວມ​ມື ຫວຽດນາມ – ລາວ ​ໃນ​ຕໍ່ໜ້າໃຫ້ເລິກເຊິ່ງເຖິງ​ຖອງກວ່າເກົ່າ​ອີກ ພວກ​ເຮົາ​ລ້ວນ​ແຕ່​ເຂົ້າ​ໃຈ​​ໄດ້ວ່າ ສາຍ​ພົວພັນທີ່ມີ​ນຶ່ງ​ບໍ່​ມີ​ສອງ​ໃນ​ໂລກ​ນີ້ ​ແມ່ນ​ສາຍ​ພົວພັນ ລາວ – ຫວຽດນາມ  ຫວຽດນາມ – ລາວ ​ແລະ ພວກ​ເຮົາຈະຮັກສາ​ນ້ຳ​ໃຈ​ຖານອ້າຍ​ນ້ອງທີ່ຍິ່ງ​ໃຫຽ່​ນັ້ນ ​ບໍ່​ວ່າໃນການ​ເຄື່ອນ​ໄຫວ​ໃດ​ຂອງ​ແຕ່​ລະ​ພັກ ​ແຕ່​ລະ​ລັດຖະບານ​ຕະຫຼອດ​ໄປ “.

     ສ່ວນ​ທ່ານນາຍົກລັດຖະມົນຕີ ທອງ​ລຸນ ສີ​ສຸ​ລິດ ​ກໍ​ສະ​ແດງ​ຄວາມເຊື່ອ​ໝັ້ນ​ວ່າ ກອງ​ປະຊຸມ​ຄັ້ງ​ນີ້ ຈະ​ປະສົບ​ຜົນສຳ​ເລັດ​ຢ່າງ​ຈົບງາມ ທ່ານນາຍົກລັດຖະມົນຕີ ທອງ​ລຸນ ສີ​ສຸ​ລິດ ກ່າວ​ວ່າ

        ຂ້າພະ​ເຈົ້າ​ອວຍພອນ​ບັນດາ​ຜົນງານ​ການພັດທະນາ​ເສດຖະກິດ – ສັງ​ຄົມ​ຂອງຫວຽດນາມ​ ໃນ​​ຂົງ​ເຂດ​ເສດຖະກິດ  ​ປ້ອງ​ກັນ​ຊາດ  ປ້ອງກັນ​ຄວາມ​ສະຫງົບ  ພັດທະນາ​ແຫຼ່ງຊັບພະຍາກອນມະນຸດ  ການ​ທູດ  ສິ່ງ​ນັ້ນ ​ເຮັດ​ໃຫ້​ທີ່​ຕັ້ງ​ຂອງຫວຽດນາມ ​ໄດ້ຮັບ​ການ​ຍົກ​ສູງ​ບົນ​ເວທີ​​​ພາກ​ພື້ນ ​ແລະ ສາກົນ​ຢ່າງ​ບໍ່​ຢຸ​ດຢັ້ງ  ມື້​ນີ້ ພວກ​ເຮົາ​ພ້ອມ​ກັນ​ແລກປ່ຽນ​ການ​ຮ່ວມ​ມື ຝ່າຍ ລາວ ​ແລະ ຫວຽດນາມ ນອກຈາກ​ການ​ຊ່ອຍ​ເຫຼືອ​ເຊິ່ງກັນແລະກັນ   2 ຝ່າຍ​ກໍ​ສະ​ເໜີ​ມາດ​ຕະການ​ຊຸກຍູ້​ການ​ລົງທຶນ​ຂອງຫວຽດນາມ ​ເຂົ້າ ລາວ ​ແລະ ຂອງ ລາວ ​ເຂົ້າ ຫວຽດນາມ ກ້າວ​ເຂົ້າ​ສູ່​ໄລຍະ​ໃໝ່ ​ເພື່ອ​ແນ​ໃສ່​ນຳ​ມາ​​ເຊິ່ງ​ຜົນ​ປະ​ໂຫຽ​ດຮ່ວມ​ກັນຂອງ ປະ​ເທດ ພວກ​ຂ້າພະ​ເຈົ້າ​ເຊື່ອ​ໝັ້ນ​ວ່າ ພາຍ​ໃຕ້​ການ​ຊີ້​ນຳ​ນຳພາ​ຂອງ​ນາຍົກລັດຖະມົນຕີ ທ່ານ  2 ຝ່າຍ​ຈະ​ພ້ອມ​ກັນ​ແລກປ່ຽນ​ຢ່າງ​ກົງ​ໄປກົງ​ມາ  ​ເປີດ​ອົກເປີດໃຈ ​ແລະ ກອງ​ປະຊຸມ​ຈະ​ປະສົບ​ຜົນສຳ​ເລັດ​ຢ່າງ​ຈົບງາ​ມ.​”

        ​ທ່ານນາຍົກລັດຖະມົນຕີ ທອງ​ລຸນ ສີ​ສຸ​ລິດ ກໍ​ຕີ​ລາຄາ​ສູງ​ບັນດາ​ແຜນການ​ຮ່ວມ​ມື ​ແລະ ຊ່ອຍ​ເຫຼືອ​ເຊິ່ງກັນ ​ແລະ ກັນ​ລະ​ຫວ່າງ ລາວ ​ແລະ ຫວຽດນາມ ​ໃນ​ໄລຍະ​ຜ່ານ​ມາ ບັນດາ​ການ​ເຄື່ອນ​ໄຫວ​ລົງທຶນຂອງ ປະ​ເທດ ນັບ​ມື້​ນັບ​ເຂົ້າ​ສູ່​ລວງ​ເລິກ ​ແລະ ​ແທດ​ຈິງ​ກວ່າ.

 

Leave a Reply

Your email address will not be published. Required fields are marked *

*