ວາງງົບ 240 ຕື້ກີບຈັດຊື້ອຸປະກອນແລະພາຫະນະຮັບໃຊ້ ອາເເຊັມ 9

 

ທ່ານ ພູເພັດ ຄຳພູນວົງ
ລັດຖະມົນຕີວ່າການ ກະຊວງການເງິນ


ເພື່ອໃຫ້ກອງປະຊຸມສຸດຍອດອາຊີ-ເອີຣົບຄັ້ງທີ 9 ຫຼື ອາເຊັມ 9 ຊຶ່ງເປັນກອງປະຊຸມທີ່ມີຄວາມໝາຍຄວາມສຳຄັນລະຫວ່າງ
ສອງພາກພື້ນອາຊີ-ເອີຣົບໂດຍຈະມີບັນດາຜູ້ແທນມາເຂົ້າຮ່ວມກອງປະຊຸມຢ່າງຫລວງຫລາຍ ທີ່ ສປປ ລາວ ໄດ້ຮັບກຽດເປັນ
ເຈົ້າພາບຈັດຂຶ້ນຢູ່ນະຄອນຫລວງວຽງຈັນໃນທ້າຍປີ 2012 ບັນລຸຕາມເປົ້າໝາຍທີ່ວາງໄວ້ ລັດຖະບານ ສປປ ລາວ ເຮົາກໍໄດ້
ມີການຫ້າງຫາກະກຽມດ້ານວຽກງານຕ່າງໆຢ່າງຕັ້ງໜ້າ ມາຮອດປະຈຸບັນຕາມການສະຫລຸບຕີລາຄາສັງລວມຂອງຄະນະກຳມະການ
ເຫັນວ່າຫລາຍໜ້າວຽກແມ່ນມີຄວາມພ້ອມແລ້ວ ສະເພາະດ້ານງົບປະມານ ແລະ ຈັດຊື້ອຸປະກອນ ພາຫານະ ເພື່ອຮັບໃຊ້
ກອງປະຊຸມອາເຊັມ 9 ນັ້ນ ທ່ານ ພູເພັດ ຄຳພູນວົງລັດຖະມົນຕີວ່າການກະຊວງການເງິນ ທັງເປັນຫົວໜ້າອານຸກຳມະການ
ດ້ານງົບປະມານ ແລະ ຈັດຊື້ໄດ້ຖະແຫລງຂ່າວຕໍ່ສື່ມວນຊົນໃນວັນທີ 17 ກັນຍານີ້ວ່າ ຜ່ານການປະສານງານການຄິດໄລ່ກັບ
ບັນດາກະຊວງ ແລະ ຂະແໜງການທີ່ກ່ຽວຂ້ອງ ໄດ້ວາງງົບປະມານຕົວເລກ 240 ຕື້ກີບ ເພື່ອນຳໃຊ້ເຂົ້າໃນການບໍລິຫານວຽກງານ
ແລະ ການຈັດຊື້ວັດຖຸອຸປະກອນ ແລະ ພາຫານະ ນອກນັ້ນຍັງໄດ້ຮັບຊ່ວຍເຫລືອຈາກບັນດາປະເທດເພື່ອນມິດຈຳນວນໜຶ່ງເຊັ່ນ
ສສ ຫວຽດນາມ ໄດ້ໃຫ້ການຊ່ວຍເຫລືອເປັນເງິນສົດຈຳນວນ 5 ແສນໂດລາສະຫະລັດ ພ້ອມທັງອຸປະກອນຈຳນວນໜຶ່ງ ສປປ ຈີນ
ຊ່ວຍເຫຼືອ 450 ລ້ານຢວນ ແລະ ສະໜອງເງິນກູ້ດ້ວຍດອກເບ້ຍຕ່ຳ 37 ລ້ານໂດລາສະຫະລັດ ພ້ອມທັງລົດເມ ລົດບັດຈຳນວນ
10 ຄັນ ລົດຮັບໃຊ້ວຽກງານປ້ອງກັນຄວາມສະຫງົບ 4 ຄັນ ສ່ວນຍີ່ປຸ່ນຊ່ວຍເຫລືອ 1.935 ລ້ານເຢັນ ຫຼື ປະມານ 3 ລ້ານ
ໂດລາສະຫະລັດ ໄທ 190 ລ້ານບາດ (ສະກຸນເງິນໄທ) ໃນນີ້ແມ່ນຊ່ວຍເຫລືອລ້າປະມານ 30% ແລະ ສະໜອງເງິນກູ້
ດອກເບ້ຍຕ່ຳ 70% ບຣູໄນໃຫ້ການຊ່ວຍເຫລືອ 6 ແສນໂດລາສາຫະລັດ ນອກນີ້ຍັງມີປະເທດອື່ນໆອີກຈຳນວນນຶ່ງໄດ້ໃຫ້ການ
ເຝິກອົບຮົມ ແລະ ແປພາສາ.ສ່ວນການຈັດຊື້ພາຫານະເພື່ອຮັບໃຊ້ບັນດາຜູ້ນຳຈາກປະເທດຕ່າງໆທີ່ມາເຂົ້າຮ່ວມກອງປະຊຸມນັ້ນ
ມາຮອດປະຈຸບັນສາມາດນຳຊື້ ແລະ ນຳເຂົ້າມາຢ່າງຄົບຖ້ວນແລ້ວເປັນຕົ້ນ ປະເພດລົດບັດສ S 350 ມີທັງໝົດ 150 ຄັນ
ລົດ BMW ຈຳນວນ 11 ຄັນ ລົດຮັບໃຊ້ບັນດາລັດຖະມົນຕີ ແຂກທີ່ສຳຄັນເປັນປະເພດລົດເກງ 130 ຄັນ ລົດຕູ້ຈຳນວນ 10 ຄັນ
ນອກນີ້ຍັງໄດ້ພົວພັນກັບກະຊວງຕ່າງໆເພື່ອຢືມມາຮັບໃຊ້ກອງປະຊຸມຈຳນວນ 50 ຄັນມາຮອດປະຈຸບັນເຫັນວ່າມີຄວາມພ້ອມແລ້ວ 100%.
ຂ່າວ/ພາບ: ເທພະວົງສອນ.

 
 
 

1 Comment

  1. ພອນປະເສີດ ມະນີວັນ says:

    ຈາກຄວາມໃນໃຈຂອ້ຍດີໃຈຫຼາຍຕໍ່ລັດຖະບານທີໄດ້ເປັນເຈົ້າພາບກອງປະຊຸມເອີລົບ-ອາຊີ( ອາເຊັມທີ9)ເຮັດໃຫ້ປະເທດລາວເຮົາຍີ່ງໃຫ່ຍໃນເວທີສາກົນແລະເປັນປະເທດໜື່ງທີ່ມີຊື່ສຽງຢືນຢູ່ອາຊີອອກຊື່ຮຽງນາມວ່າ : ສາທາລະນະລັດປະຊາທິປະໄຕປະຊາຊົນລາວ (LAOS)

 
 

Leave a Comment