ວິທີເຮັດບໍ່ໃຫ້ຄລິບວີດິໂອໃນ facebook ຫຼິ້ນແບບອັດຕະໂນມັດ ເພື່ອບໍ່ໃຫ້ເປືອງຄ່າອິນເຕີເນັດ

ວິທີເຮັດບໍ່ໃຫ້ຄລິບວີດິໂອໃນ facebook ຫຼິ້ນແບບອັດຕະໂນມັດ ເພື່ອບໍ່ໃຫ້ເປືອງຄ່າອິນເຕີເນັດ

Posted by

ມື້ນີ້ຂໍນໍາເອົາຄວາມຮູ້ທີ່ຖືກເຜີຍແຜ່ໃນເວ໊ບຂອງຕ່າງປະເທດມາຕ້ອນ ເຊິ່ງອາດຈະເປັນປະໂຫຽດແກ່ຜູ້ທີ່ມັກຫຼິ້ນອິນເຕີເນັດ ຈະໄດ້ຫຼຸດຜ່ອນການສິ້ນເປືອງລົງແດ່ ໂດຍສະເພາະໃນໄລຍະຜ່ານມາ ຫຼັງຈາກທີ່ facebook ໄດ້ທໍາການອັບເດດໃໝ່ ປາກົດວ່າ ໃນເວລາເຮົາເລື່ອນໜ້າຈໍໄປພໍ້ຄລິບວີດິໂອ ມັນຈະຫຼິ້ນຄລິບແບບອັດຕະໂນມັດ ໃນດ້ານນຶ່ງກໍເຫັນວ່າມັນສະດວກຂຶ້ນ ແຕ່ອີກດ້ານນຶ່ງ ການຫຼິ້ນຄລິບ ມັນໄດ້ດຶງເອົາຂໍ້ມູນລົງມາ ເຮັດໃຫ້ເຮົາສິ້ນເປືອງໂດຍບໍ່ຕັ້ງໃຈ.

…….ສາເຫດທີ່ facebook ເຮັດແບບນັ້ນກໍເພາະຕ້ອງການໃຫ້ຄົນເຫັນຄລິບວີດິໂອຫຼາຍຂຶ້ນ ເຊິ່ງເປັນເຫດຜົນທາງການຕະຫຼາດທີ່ເຮົາບໍ່ຂໍວິຈານ ຫຼື ແຈກແຈງໃຫ້ລະອຽດກວ່ານີ້ ແຕ່ສໍາລັບຜູ້ໃຊ້ທົ່ວໄປ ບາງທີກໍບໍ່ປະເອີບກັບມັນປານໃດ ເພາະມັນເຮັດໃຫ້ເປືອງຄ່າອິນເຕີເນັດ ທີ່ຄິດໄລ່ຕາມ ດາຕ້າ ທີ່ເຮົາໃຊ້ໄປ ເຊິ່ງມື້ນີ້ຈະນໍາສະເໜີກໍຄື ວິທີມອດການຫຼິ້ນວີດິໂອແບບອັດຕະໂນມັດ ເພື່ອຫຼຸດຜ່ອນຄວາມສິ້ນເປືອງໄດ້ບາງສ່ວນ ເຊິ່ງທ່ານອາດຈະເຮັດຕາມ ຫຼື ບໍ່ ກໍແລ້ວແຕ່ຄວາມສະໝັກໃຈ.

ສໍາລັບຜູ້ທີ່ໃຊ້ PC ຫຼື  Notebook

…….ໃຫ້ໄປທີ່ ເມນູສາມຫຼ່ຽມທີ່ຢູ່ມູມຂວາດ້ານເທິງ ແລ້ວເລືອກ Settings

SPS_1

 

ຈາກນັ້ນເລືອກຄໍາວ່າ “ວີດິໂອ”

ຢູ່ “Auto-Play Videos” ທີ່ປຸ່ມຈະຂຽນວ່າ  Default ໃຫ້ເຮົາກົດ ແລ້ວເລືອກ Off.

SPS_2

ສໍາລັບຄົນທີ່ໃຊ້ ສະມາຣ໌ທໂຟນ  Android

ໃຫ້ເປີດແອພ  facebook ຂຶ້ນມາແລ້ວເລືອກທີ່ ເມນູ > ເລືອກ App Settings

SPS_3

ເລືອກ Videos play automatically

SPS_4

 

ໃນໜ້ານີ້ ເຮົາສາມາດເລືອກໄດ້ 3 ຢ່າງຄື:

  • ໃຫ້ມັນຫຼິ້ນອັດຕະໂນມັດ ແບບບໍ່ສົນໃຈວ່າຈະໃຊ້ອິນເຕີເນັດຫຽັງຢູ່
  • ໃຫ້ຫຼິ້ນອັດຕະໂນມັດສະເພາະຕອນເປີດ  Wi-Fi
  • ບໍ່ໃຫ້ມັນຫຼິ້ນແບບອັດຕະໂນມັດເລີຍ.

…….ພຽງທໍ່ນີ້ ເຮົາກໍສາມາດຈັດການກ່ຽວກັບ ການຫຼິ້ນ ຫຼື ບໍ່ຫຼິ້ນວີດິໂອແບບອັດຕະໂນມັດເທິງ facebook ໄດ້ແລ້ວ.

 

ຮຽບຮຽງມານໍາສະເໜີໂດຍ:  ນໍ້າຫວານ.

 

 

 

 

2 Comments

  1. Thanks for your sharing. This is so good for me who is far from IT.

  2. Pingback: ວິທີເຮັດບໍ່ໃຫ້ຄລິບວີດິໂອໃນ Facebook ຫຼິ້ນແບບອັດຕະໂນມັດ ເພື່ອບໍ່ໃຫ້ເປືອງຄ່າອິນເຕີເນັດ – Xaysomphone

Leave a Reply

Your email address will not be published. Required fields are marked *

*