ສູນເຝິກອົບຮົມເກັບກູ້ລະເບີດແຫ່ງຊາດ ໄດ້ສໍາເລັດການກໍ່ສ້າງ ແລະ ທໍາພິທີມອບ-ຮັບຢ່າງເປັນທາງການ

ສູນເຝິກອົບຮົມເກັບກູ້ລະເບີດແຫ່ງຊາດ ໄດ້ສໍາເລັດການກໍ່ສ້າງ ແລະ ທໍາພິທີມອບ-ຮັບຢ່າງເປັນທາງການ

Posted by

      ນັບເປັນເວລາ 3 ປີ ທີ່ໄດ້ດຳເນີນໂຄງການກໍ່ສ້າງສູນເຝິກອົບຮົມສຳລັບໂຄງການເກັບກູ້ລະເບີດແຫ່ງຊາດ (UXO Laoພາຍໃຕ້ໂຄງການກໍ່ສ້າງອາຄານສູນເຝິກອົບຮົມ ຄກລ ແລະ ຖ່າຍອດເຕັກນິກຕັດບົ່ມໃຫ້ແກ່ ຄກລ ເຊິ່ງໄດ້ມີພິທີມອບ-ຮັບຢ່າງເປັນທາງການເມື່ອວັນທີ 12 ຕຸລາ 2017 ທີ່ສູນຝືກອົບຮົມ (ຄກລ) ບ້ານອີ່ໄລ ເມືອງນາຊາຍທອງ ນະຄອນຫຼວງວຽງຈັນ.

      ໃຫ້ກຽດເຂົ້າຮ່ວມໃນພິທີສຳຄັນຄັ້ງນີ້ມີທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະສະຫວັດດີການສັງຄົມ ທ່ານ ທະເກຊິ ຮິກິຮະລະ ເອກອັກຄະລັດຖະທູດຍີປຸ່ນ ປະຈຳ ສປປ ລາວ ມີຜູ້ຕາງໜ້າອົງການໄຈກ້າ ປະຈຳ ສປປ ລາວ ມີບັນດາຫົວໜ້າຫ້ອງການ ຄຊກລອຳນວຍການ ຄກລ ເຈົ້າເມືອງນາຊາຍທອງ ບັນດາກົມ ລວມເຖິງອົງການຈັດຕັ້ງພາຍໃນ ແລະຕ່າງປະເທດເຂົ້າຮ່ວມ.

      ໂຄງການກໍ່ສ້າງອາຄານສູນເຝິອົບຮົມສຳລັບໂຄງການເກັບກູ້ລະເບີດແຫ່ງຊາດ ແມ່ນດຳເນີນໂດຍໂຄງການ UXO Lao ຮ່ວມກັບອົງການ JMAS ໂດຍການສະໜັບສະໜູນຈາກລັດຖະບານຍີ່ປຸ່ນ ໂຄງການນີ້ໄດ້ລິເລີ່ມມາແຕ່ປີ 2014 ຫາ 2017 ເຊິ່ງນັບເປັນໄລຍະເວລາເຖິງ ປີຈິ່ງສໍາເລັດຜົນ ສຳລັບສູນເຝິກອົບຮົມດັ່ງກ່າວປະກອບມີ ອາຄານຊັ້ນດຽວ ຫລັງ ພາຍໃນອາຄານມີຫ້ອງຮຽນ ຫໍພັກ ຫ້ອງວາງສະແດງ ຫ້ອງການສູນເຝິກ ເຮືອນຄົວ-ໂຮງອາຫານ ຫ້ອງນໍ້າ ແລະ ສິ່ງອຳນວຍຄວາມສະດວກອື່ນໆ ຮວມມູນຄ່າທັງໝົດ 2,59 ລ້ານໂດລາສະຫະລັດ ສິ່ງສຳຄັນກໍຄື  ໂຄງການດັ່ງກ່າວໄດ້ເຮັດໃຫ້ພະນັກງານ ຄກລ ຈຳນວນ 235 ຄົນ ມີສະຖານທີ່ເຝິກອົບຮົມຫຼັກສູດວິທີຕັດບົ່ມໄດ້ເລື່ອຍໆ ເຊິ່ງໂອກາດດັ່ງກ່າວນີ້ ໂຄງການ ຄກລ ແລະ ອົງການເຈມັດສ ກໍໄດ້ຮ່ວມກັນທົດລອງນຳໃຊ້ກົນຈັກທຳລາຍລະເບີດລູກຫວ່ານ ທີ່ພວມຈັດຕັ້ງປະຕິບັດຢູ່ແຂວງຊຽງຂວາງ ເປັນປີທີ ແລ້ວ ເຊິ່ງເຕັກນິກຂອງກົນຈັກນີ້ແມ່ນມີຄວາມທັນສະໄໝ ໂດຍ ສປປ ລາວ ຖືເປັນແຫ່ງທຳອິດຂອງໂລກ ທີ່ໄດ້ນຳໃຊ້ເຕັກນິກດັ່ງກ່າວເຂົ້າໃນການທຳລາຍລະເບີດລູກຫວ່ານ.

      ໃນໂອກາດດັ່ງກ່າວນີ້ ທ່ານລັດຖະມົນຕີກະຊວງແຮງງານ ແລະສະຫວັດດີການສັງຄົມ ກໍມີຄຳເຫັນໂດຍຕາງໜ້າລັດຖະບານ ສປປ ລາວ ແລະ ໃນນາມ ຄຊກລ ສະແດງຄວາມຮູ້ບຸນຄຸນຢ່າງລົ້ນເຫຼືອ ແລະ ສະແດງຄວາມຊົມເຊີຍຢ່າງສຸດໃຈຕໍ່ລັດຖະບານຍີປຸ່ນ ປະຊາຊົນຍີປຸ່ນ ອົງການເຈມັດສ ແລະ ເອກອັກຄະລັດຖະທູດຍີປຸ່ນ ປະຈຳ ສປປ ລາວ ທີ່ຍາມໃດກໍໃຫ້ການຊ່ອຍເຫຼືອ ແລະ ສະໜັບສະໜູນ ສປປ ລາວ ຕະຫຼອດມາ ແລະ ຫວັງຢ່າງຍິ່ງວ່າ ລັດຖະບານຍີປຸ່ນ ຈະສືບຕໍ່ຊ່ອຍເຫຼືອ ຄກລ ໃນການຈັດຕັ້ງປະຕິບັດວຽກງານຊ່ອຍເຫຼືອ ແລະ ເອົາໃຈໃສ່ດຳເນີນໂຄງການໄດ້ຮັບຜົນສຳເລັດ ໂດຍສະເພາະຢູ່ ແຂວງພາກໃຕ້ ໃຫ້ສຳເລັດຕາມເປົ້າໝາຍ ເພື່ອເຮັດໃຫ້ຊີວິດການເປັນຢູ່ຂອງປະຊາຊົນບັນດາເຜົ່າຂອງລາວໃນຂອບເຂດທົ່ວປະເທດ ມີຊີວິດປອດໄພຈາກລະເບີດບໍ່ທັນແຕກຕົກຄ້າງ.

ຂ່າວ: ຂໍ້ມູນຂ່າວຈາກກະຊວງແຮງງານ ແລະສະຫວັດດີການສັງຄົມ

Leave a Reply

Your email address will not be published. Required fields are marked *

*