ຫວຽດນາມ ຈະກາຍເປັນຮ່ອມພູ Silicon ຂອງອາຊີອາຄະເນ

ຫວຽດນາມ ຈະກາຍເປັນຮ່ອມພູ Silicon ຂອງອາຊີອາຄະເນ

Posted by

ຕາມຂ່າວຈາກວິທະຍຸກະຈາຍສຽງ ຫວຽດນາມ ໃນວັນທີ 04 ກັນຍາ 2015

(ພາບປະກອບ)

(ພາບປະກອບ)

ວາລະສານເຕັກນິກຂອງສະຫະລັດອາເມຣິກາ ສະບັບອອກວັນທີ 3 ກັນຍາ 2015 ມີບົດວິເຄາະ ທີ່ລະບຸເຖິງຄວາມກ້າວໜ້າທາງດ້ານເຕັກໂນໂລຢີຂໍ້ມູນຂ່າວສານ (IT) ຢູ່ຫວຽດນາມ, ໂດຍຖືວ່າ ຫວຽດນາມ ອາດຈະກາຍເປັນຮ່ອມພູ Silicon ຂອງອາຊີຕາເວັນອອກສະຫຼຽງໃຕ້. ບົດວິເຄາະໄດ້ຊີ້ວ່າ ກ່ອນໜ້ານີ້ 15 ປີ ຍາກທີ່ຈະຊອກເຫັນບໍລິສັດ IT ແຫ່ງໃດຢູ່ຫວຽດນາມ, ແຕ່ປັດຈຸບັນໄດ້ມີວິສາຫະກິດ IT ເກືອບ 14.000 ແຫ່ງທີ່ຜະລິດ ແລະ ພັດທະນາຮາດແວ, ຊອບແວ ແລະ ດີຈີຕອນ. ປັດຈຸບັນ, ລັດຖະບານຫວຽດນາມ ຖືຂະແໜງອຸດສາຫະກຳເຕັກໂນໂລຢີສູງຄືດັ່ງເສົາຄຳ້ ຊຸກຍູ້ການຂະຫຽາຍໂຕທາງເສດຖະກິດຂອງປະເທດ. ຫວຽດນາມ ໄດ້ລົງທຶນຫຼາຍເຂົ້າໃນການກໍ່ສ້າງພື້ນຖານໂຄງລ່າງ ແລະ ຜ່ານບັນດານະໂຍບາຍເສດຖະກິດ ເພື່ອສົ່ງເສີມບັນດາວິສາຫະກິດທັງພາຍໃນ ແລະ ຕ່າງປະເທດລົງທຶນດຳເນີນທຸລະກິດຢູ່ຫວຽດນາມ. ແລະ ຕາມບົດວິເຄາະແລ້ວ, ເດືອນ 10 ຈະມາເຖິງ ນະຄອນ ໂຮ່ຈີມິນ ຈະດຳເນີນກອງປະຊຸມ ເຕັກໂນໂລຢີຂໍ້ມູນຂ່າວສານຫວຽດນາມ ດ້ວຍການເຂົ້າຮ່ວມຂອງ 300 ກວ່າບໍລິສັດເຕັກໂນໂລຢີພາຍໃນປະເທດ ແລະ ສາກົນ ພ້ອມກັບ 20 ກວ່າມະຫາວິທະຍາໄລ. ນີ້ແມ່ນໂອກາດອັນດີ ເພື່ອໃຫ້ຂະແໜງເຕັກໂນໂລຢີຂໍ້ມູນຂ່າວສານ ຫວຽດນາມ ຈະໄດ້ສະແດງຕົນເອງຕໍ່ໂລກ ແລະ ທຸກຄົນຈະເຫັນໄດ້ການກ້າວກະໂດດຂອງຂົງເຂດເຕັກໂນໂລຢີຂໍ້ມູນຂ່າວສານ ຢູ່ຫວຽດນາມ.

Leave a Reply

Your email address will not be published. Required fields are marked *

*