ຫົວເຫວີຍ ນໍາສະເໜີນະວັດຕະກຳໃໝ່ເປັນ HUAWEI P10-P10 Plus  ພ້ອມໃຫ້ສັງຄົມລາວໄດ້ສຳຜັດແລ້ວ

ຫົວເຫວີຍ ນໍາສະເໜີນະວັດຕະກຳໃໝ່ເປັນ HUAWEI P10-P10 Plus ພ້ອມໃຫ້ສັງຄົມລາວໄດ້ສຳຜັດແລ້ວ

Posted by

      ສຳຜັດອາລົມການຖ່າຍພາບທີ່ເໜືອຈິນຕະນາການ ດ້ວຍເລນກ້ອງໄລກ້າ ທີ່ທ້າທາຍໃຫ້ບັນດາທ່ານໄດ້ເຂົ້າເຖິງນະວັດຕະກຳໃໝ່ ເຊິ່ງພັດທະນາມາໃນໂທລະສັບມືຖື ຫົວເຫວີຍ (HUAWEI) ຮຸ່ນ P10 ແລະ P10 Plus ໂດຍໄດ້ຈັດພິທີແນະນຳໂຕຢ່າງເປັນທາງການ ເພື່ອກ້າວເຂົ້າສູ່ຕະຫຼາດ ສະມາດໂຟນ ໃນ ສປປ ລາວ ຮຽບຮ້ອຍແລ້ວ.

      ພິທີແນະນຳສະມາດໂຟນ HUAWEI ຮຸ່ນ P10 ແລະ P10 Plus ຈັດຂຶ້ນໃນວັນທີ 22 ເມສາ 2017 ທີ່ໂຮງແຮມຄຣາວພລາຊາ ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ຊູ ຈິນ ຢົງ (Zhu Jin Yong) ຜູ້ອຳນວຍການຝ່າຍອຸປະກອນສື່ສານຫົວເຫວີຍລາວ ທ່ານ ວັນກົງ ສີສະຫວັດ ຜູ້ຈັດການຝ່າຍຜະລິດຕະພັນ ມີບັນດາແຂກຖືກເຊີນຈາກຫຼາກຫຼາຍສາຂາອາຊີບ ແລະ ຜູ້ຊຳນານງານດ້ານການຖ່າຍພາບ ຮວມທັງສື່ມວນຊົນເຂົ້າຮ່ວມ.

      HUAWEI ຈັດເປັນສະມາດໂຟນທີ່ພວມໄດ້ຮັບຄວາມນິຍົມສູງ ແລະ ຄອງຕະຫຼາດໄດ້ ເປັນອັນດັບ 3 ຂອງໂລກ ຫຼ້າສຸດໄດ້ພັດທະນາຜະລິດຕະພັນມາເປັນຮຸ່ນ P10 ແລະ P10 Plus ເຊິ່ງຈັດເປັນນຶ່ງຂອງເຕັກໂນໂລຊີສື່ສານທີ່ມີການຍົກລະດັບກ້ອງຖ່າຍພາບດ້ວຍເລນໄລກາ ທີ່ສາມາດເພີ່ມຄວາມຄົມຊັດດ້ວຍໂຕເຊັນເຊີ ທີ່ສາມາດຕອບໂຈດການຖ່າຍຮູບທີ່ດີຂຶ້ນກວ່າຮຸ່ນ P9 ຫຼາຍເທົ່າ ດ້ວຍກ້ອງຄູ່ 12 ລ້ານພິກເຊລ ພ້ອມກ້ອງຂາວດຳ 20 ລ້ານພິກເຊລ ແລະ ເພີ່ມມິຕິການຖ່າຍຮູບແບບເໜືອຈິນຕະນາການ ເຊິ່ງຈະເຮັດໃຫ້ທ່ານເປັນນຶ່ງໃນມືອາຊີບດ້ວຍປະສິດທິພາບຂອງເລນກ້ອງທີ່ເໜືອກວ່າ.

      ສຳລັບບັນດາທ່ານທີ່ສັ່ງຈອງ HUAWEI  P10 ແລະ P10 Plus ໃນໄລຍະແນະນຳໂຕນີ້ ຈະມີຂອງແຈກຂອງແຖມຫຼາຍລາຍການ ພ້ອມບໍລິການແບບພິເສດຫຼັງການຂາຍທີ່ຈະໃຫ້ທ່ານດີກວ່າ ແລະ ເໜືອກວ່າ.

ຂ່າວ: ໂຊກໄຊ  ມີຮູບ:

 

Leave a Reply

Your email address will not be published. Required fields are marked *

*