ຮ້ານນິກຸໂອະ ປີ້ງຢ້າງບຸບເຟ ແບບຍີ່ປຸ່ນຢູ່ລາວ ໄຂບໍລິການແລ້ວ

ຮ້ານນິກຸໂອະ ປີ້ງຢ້າງບຸບເຟ ແບບຍີ່ປຸ່ນຢູ່ລາວ ໄຂບໍລິການແລ້ວ

Posted by

ຮ້ານນິກຸໂອະປີ້ງຢ້າງບຸບເຟແບບຍີ່ປຸ່ນ ໄດ້ຖືກສ້າງຕັ້ງຂຶ້ນ ໂດຍການຮ່ວມທຶນ
ຂອງ 4 ຫຸ້ນສ່ວນຄື ທ່ານ ອານຸລັກ ປະຖຳມະວົງ ທ່ານ ສົມບັດ ດິດທະວົງ
ທ່ານ ສົມແພງ ກຸສາລີວົງ ແລະ ທ່ານນາງ ຂັນທະລີ ດວງດີ ດ້ວຍທຶນ
ຈົດທະບຽນ 200 ລ້ານກີບ ຊຶ່ງໄດ້ແຮງບັນດານໃຈ ມາຈາກການໄປກິນອາຫານ
ປີ້ງຢ້າງຫລາຍແຫ່ງທີ່ມີການບໍລິການດ້ວຍລົດຊາດທີ່ແຕກຕ່າງກັນຢູ່ປະເທດຍີ່ປຸນ
ຈິ່ງນຳມາເປີດຮ້ານອາຫານແບບຍີ່ປຸ່ນໃນນະຄອນຫລວງວຽງຈັນ ຫວັງດຶງດູດ
ຄວາມສົນໃຈ ແລະສ້າງສີສັນໃຫ້ມີຫລາກຫລາຍອາຫານຢູ່ບ້ານເຮົາໂດຍບໍ່ຈຳເປັນ
ເດີນທາງໄປຊອກກິນອາຫານແບບຍີ່ປຸ່ນຢູ່ຕ່າງປະເທດ.
….ທ່ານ ອານຸລັກ ປະຖຳມະວົງ ຄະນະຜູ້ບໍລິຫານຮ້ານນິກຸໂອະ ປີ້ງຢ້າງບຸບເຟ
ແບບຍີ່ປຸ່ນ ໄດ້ກ່າວວ່າ ຈຸດເດັ່ນຂອງຮ້ານນິກຸໂອະ ແມ່ນເປັນຮ້ານປີ້ງຢ້າງບຸບເຟ
ໃນຫ້ອງແອ ຊຶ່ງປີ້ງດ້ວຍຖ່ານໄມ້ແທ້ແບບໄຮ້ຄັວນ ບໍ່ມີກິ່ນຕິດຕົນໂຕຂອງລູກຄ້າ
ສະອາດຖືກຫລັກອະນາໄມ ໄດ້ມາດຕະຖານ ແລະ ມີຫລາຍກວ່າ 50 ລາຍການ
ອາຫານ ສ່ວນວັດຖຸດິບທີ່ນຳມາປະກອບລາຍການອາຫານເຊັ່ນ ຊີ້ນຄວາຍ
ແມ່ນຊື້ມາຈາກຕ່າງປະເທດ ແລະ ພືດຜັກອື່ນໆແມ່ນຊື້ຢູ່ລາວເຮົາ ພິເສດແມ່ນ
ນ້ຳແຈ່ວທີ່ປຸງແຕ່ງແບບເອກະລັກສະເພາະຂອງຮ້ານເອງ ທີ່ນຳເອົາສູດມາຈາກ
ປະເທດຍີ່ປຸ່ນ ສຳລັບລາຄາອາຫານບຸບເຟແມ່ນ 110.000 ກີບຕໍ່ໜຶ່ງຄົນ ແລະ
ເດັກນ້ອຍທີ່ມີຄວາມສູງບໍ່ເກີນ 1,10 ແມັດ ແມ່ນກິນລ້າ ແລະ ສູງ 1,10-
1,30 ແມັດ ເສຍເຄິ່ງຄ່າລາຄາ ກາຍ 1,30 ແມັດຂຶ້ນໄປ ຈະຄິດໄລ່ລາຄາ
ເທົ່າກັນກັບຜູ້ໃຫ່ຍ ສຳລັບການໃສ່ຊື່ຮ້ານແມ່ນແປຕາມພາສາຍີ່ປຸ່ນ ນິກຸໂອະ
ແປວ່າ ລາຊາແຫ່ງຊີ້ນ.

ພິທີເປີດຮ້ານ ນິກຸໂອະ ປີ້ງຢ້າງບຸບເຟ ແບບຍີ່ປຸ່ນຢູ່ລາວ ທີ່ບ້ານໂພນສະອາດ ເມືອງໄຊເຊດຖາ ນະຄອນຫລວງວຽງຈັນ (28/08/2014)

….ຮ້ານດັ່ງກ່າວ ໄດ້ເລີ່ມເປີດທົດລອງໃຫ້ບໍລິການມາແຕ່ວັນທີ 26 ກໍລະກົດ
ໃນພາກແລງ ຜ່ານການເປີດທົດລອງເຫັນວ່າລູກຄ້າໃຫ້ການຕອບຮັບຢ່າງ
ກ້ວາງຂວາງ ຈິ່ງໄດ້ຂະຫຍາຍເປັນ 2 ພາກຄື ພາກທ່ຽງ ໃນເວລາ 11:00-
14:30 ໂມງ ແລະ ພາກແລງ ເວລາ 17:00-22:00 ໂມງຂອງທຸກໆວັນ
ແຕ່ວັນຈັນ-ວັນອາທິດ.
….ນອກນີ້ ຍັງມີໂປຣໂມຊັນພິເສດຄື ເລີ່ມແຕ່ວັນທີ 1 ກັນຍາ 2014
ເປັນຕົ້ນໄປ ຖ້າຫາກມາ 4 ຄົນ ຈ່າຍພຽງແຕ່ 3 ຄົນ ພ້ອມນັ້ນ ທາງຮ້ານ
ກໍຍັງມີແຜນຂະຫຍາຍທຸລະກິດໄປຕ່າງແຂວງໃນທ້າຍປີນີ້ ໂດຍເລີ່ມຈາກ
ແຂວງຫລວງພະບາງ ສະຫວັນນະເຂດ ແລະ ຈຳປາສັກ.
….ພິທີເປີດຮ້ານດັ່ງກ່າວຢ່າງເປັນທາງການ ໄດ້ຈັດຂຶ້ນໃນຕອນເຊົ້າວັນທີ
29 ສິງຫາ 2014 ທີ່ບ້ານໂພນສະອາດ ເມືອງໄຊເຊດຖາ ນະຄອນຫລວງ
ວຽງຈັນ.

ຂ່າວ/ພາບ: ເທບພະວົງ

Leave a Reply

Your email address will not be published. Required fields are marked *

*