ຮ້ານThe Pizza Company & Swensens ລາວ ສະຫລອງຄົບຮອບ 4 ປີ

ຮ້ານThe Pizza Company & Swensens ລາວ ສະຫລອງຄົບຮອບ 4 ປີ

Posted by

ຕອນຄໍ່າຂອງວັນທີ 30 ສິງຫາ 2014 ທີ່ລານຈອດລົດ ຫໍວັດທະນະທຳແຫ່ງຊາດ
ຮ້ານ The Pizza Company & Swensens ລາວ ໄດ້ຈັດກິດຈະກຳເພື່ອການ
ສະເຫລີມ ສະຫລອງ ວັນຄົບຮອບ 4 ປີ ຂອງການສ້າງຕັ້ງ ຮ້ານຂອງຕົນຂຶ້ນ
ໂດຍການເຂົ້າຮ່ວມຂອງທ່ານ ໄມໂຄຣ ຜ້ອຳນວນການໃຫ່ຍ The Pizza
Company & SwenSens ລາວ ມີບັນດາຄະນະອຳນວຍການ ຜູ້ຈັດການຝ່າຍ
ການຕະຫລາດ ແລະ ລູກຄ້າ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ງານປະກວດຫາໜຸ່ມສາວ The Pizza Company & Swensens ປະຈຳປີ 2014
ຈັດຂຶ້ນທີ່ ລານຈອດລົດ ຫໍວັດທະນະທໍາແຫ່ງຊາດລາວ (30/08/2014)

….ທ່ານ ໄມໂຄຣ ກ່າວໃນງານສະເຫລີມສະຫລອງ ຄົບຮອບ 4 ປີຂອງຮ້ານ
ດັ່ງກ່າວໃນຄັ້ງນີ້ວ່າ ໄດ້ຈັດໃຫ້ມີຫລາກຫລາຍກິດຈະກຳເພື່ອເປັນການຄືນກຳໄລ
ໃຫ້ລູກຄ້າ ເຊັ່ນການແຂ່ງກິນອາຫານ ການຫລິ້ນເກມເອົາລາງວັນ ແລະການ
ປະກວດຫາໜຸ່ມສາວ The Pizza Company & Swensens ປະຈຳປີ 2014
ຊຶ່ງຈັດຂຶ້ນເປັນຄັ້ງທຳອິດ ໂດຍມີຜູ້ເຂົ້າຮ່ວມປະກວດໃນຮອບຄັດເລືອກທັງໝົດ
50 ຄົນ ແລະ ຄັດເລືອກເອົາໄວໜຸ່ມຍິງສາວ ຊາຍ 10 ຄົນ ຍິງ 10 ຄົນ
ເພື່ອເຂົ້າຮອບຮອງຊະນະເລີດ ແລະ ຈະຄັດເລືອກໃຫ້ເຫລືອພຽງ ຊາຍ 1 ຄົນ
ຍິງ 1 ຄົນ ຊຶ່ງຈະຈັດຂຶ້ນໃນກາງເດືອນກັນຍາ 2014 ນີ້ ພິເສດ ທາງຮ້ານ
The Pizza Company & Swensens ຍັງໄດ້ຈັດກິດຈະກຳ ຈັບສະຫລາກຫາ
ລູກຄ້າຜູ້ໂຊກດີກັບໂປຣໂມຊັນຊື້ 1 ແຖມ 1 ຊຶ່ງເປັນລາງວັນ ໄປທ່ອງທ່ຽວ
ເກາະມາລດິບ ລ້າໆ ພ້ອມທີ່ພັກ ແລະ ອາຫານ 5 ຄືນ 6 ມື້ ແລະ ລາງວັນ
ອຶ່ນໆອີກຈຳນວນໜຶ່ງ ສຳລັບຜູ້ໂຊກດີໄປທ່ອງທ່ຽວເກາະມາລດິບ ໄດ້ແກ່ທ່ານ
ນາງ ຕຸກຕາ ບ້ານໜອງດ້ວງ ເມືອງຈັນທະບູລີ ນະຄອນຫລວງວຽງຈັນ
ໂທລະສັບໝາຍເລກ 020 5518 9999.

ລູກຄ້າ The Pizza Company & Swensens ຜູ້ໂຊກດີຈາກການຈັບສະຫລາກ ໄດ້ໄປທ່ອງທ່ຽວ ເກາະມາລດິບ (30/08/2014)

….ທ່ານຜູ້ອຳນວຍການໃຫຍ່ ຮ້ານThe Pizza Company & Swensens
ກ່າວເຖິງແຜນການຂະຫຍາຍທຸລະກິດວ່າ ໃນທ້າຍປີ 2014 ຈະຂະຫຍາຍສາຂາ
ຂອງຕົນຢູ່ເຂດບ້ານດົງໂດກ ເມືອງໄຊທານີ ນະຄອນຫລວງວຽງຈັນ ຕື່ມອີກ
ເພື່ອແນໃສ່ຕອບສະໜອງໃຫ້ພຽງພໍກັບຄວາມຕ້ອງການລູກຄ້າທີ່ມີຈຳນວນ
ເພີ່ມຂຶ້ນໃນແຕ່ລະປີ.

ຂ່າວ/ພາບ: ເທບພະວົງ

Leave a Reply

Your email address will not be published. Required fields are marked *

*