ເຈົ້າໜ້າທີ່ກອງທັບປະຊາຊົນລາວ ເຂົ້າຮ່ວມກອງປະຊຸມແລກປ່ຽນບົດຮຽນລະດັບສູງດ້ານການປ້ອງກັນຊາດ ຢູ່ເກາະບາຫຼີ

ເຈົ້າໜ້າທີ່ກອງທັບປະຊາຊົນລາວ ເຂົ້າຮ່ວມກອງປະຊຸມແລກປ່ຽນບົດຮຽນລະດັບສູງດ້ານການປ້ອງກັນຊາດ ຢູ່ເກາະບາຫຼີ

Posted by

ພົນຈັດຕະວາ ປະສິດ ທ່ຽງທຳ ໄດ້ນຳພາຄະນະຜູ້ແທນເຈົ້າໜ້າທີ່ກອງທັບລາວ ເຂົ້າຮ່ວມ ກອງປະຊຸມຫົວໜ້າກອງທັບປະຈຳພາກພື້ນປາຊີຟິກ ຄັ້ງທີ 9 (PACC IX) ແລະ ກອງປະຊຸມສຳມະນາ ການຄຸ້ມຄອງກອງທັບປະຈຳພາກພື້ນປາຊີຟິກ ຄັ້ງທີ 39 (PAMS XXXIX) ໂດຍການເປັນປະທານຮ່ວມຂອງກອງທັບສະຫະລັດ ປະຈຳພາກພື້ນປາຊີຟິກ ແລະ ກອງທັບແຫ່ງຊາດຂອງອິນໂດເນເຊຍ ຢູ່ທີ່ເມືອງເດັນປາຊາ  ອິນໂດເນເຊຍ  ໃນວັນທີ 14 ກັນຍາ 2015 ທີ່ຜ່ານມາ.

ທີ່ເມືອງເດັນປາຊາ, ອິນໂດເນເຊັຽ-ກອງທັບແຫ່ງຊາດຂອງອິນໂດເນເຊຍ ໄດ້ຈັດພິທີມອບທຸງ PACC & PAMS ເພື່ອເປັນສັນຍາລັກໃນການ ໄຂກອງປະຊຸມແລກປ່ຽນບົດຮຽນລະດັບສູງດ້ານການປ້ອງກັນຊາດຢ່າງເປັນທາງການ. ໃນວັນທີ 14 ກັນຍາ 2015 (ພາບໂດຍ: ຈ່າ Sgt. Maj. Kanessa Trent, USARPAC PAO).

ທີ່ເມືອງເດັນປາຊາ, ອິນໂດເນເຊັຽ-ກອງທັບແຫ່ງຊາດຂອງອິນໂດເນເຊຍ ໄດ້ຈັດພິທີມອບທຸງ PACC & PAMS ເພື່ອເປັນສັນຍາລັກໃນການ ໄຂກອງປະຊຸມແລກປ່ຽນບົດຮຽນລະດັບສູງດ້ານການປ້ອງກັນຊາດຢ່າງເປັນທາງການ. ໃນວັນທີ 14 ກັນຍາ 2015 (ພາບໂດຍ: ຈ່າ Sgt. Maj. Kanessa Trent, USARPAC PAO).

…….ຫົວໜ້າເສນາທິການກອງທັບ ຜູ້ບັນຊາການກອງທັບບົກອາວຸໂສຈາກ 26 ຂອງທັງໝົດ 38 ປະເທດ ທົ່ວຂົງເຂດອິນໂດ-ອາຊີ ປາຊິຟິກ ແລະ ບັນດາຜູ້ນຳທະຫານລະດັບສູງ ໄດ້ເຂົ້າຮ່ວມໃນກອງປະຊຸມດັ່ງກ່າວ ເຊິ່ງໄດ້ຈັດຂຶ້ນລະຫວ່າງວັນທີ 14-17 ກັນຍາ 2015 ນີ້.

…….ກອງປະຊຸມ PACC ແມ່ນກອງປະຊຸມແລກປ່ຽນບົດຮຽນດ້ານການປ້ອງກັນຊາດທີ່ຈັດຂຶ້ນທຸກໆ 2 ປີ ສຳລັບຫົວໜ້າເສນາທິການກອງທັບຈາກບັນດາປະເທດຕ່າງໆ ທົ່ວຂົງເຂດອິນໂດ-ອາຊີ ປາຊິຟິກ ອາເມຣິກາເໜືອ ແລະ ບາງພາກຂອງທະວີບເອີຣົບ ກອງປະຊຸມ PAMS ແມ່ນກອງປະຊຸມສຳມະນາທີ່ໄດ້ຈັດຂຶ້ນທຸກໆປີ ລະຫວ່າງນາຍທະຫານຊັ້ນພົນໂທ ຫາ ພົນເອກ ຫຼື ທຽບເທົ່າ ເພື່ອສ້າງຄວາມເຂົ້າໃຈໃນລະດັບພາກພື້ນ ໂດຍການປຶກສາຫາລື ແລະ ແລກປ່ຽນປະສົບການຮ່ວມກັນ.

…….ຫົວຂໍ້ຂອງກອງປະຊຸມ PACC/PAMS ປີນີ້ແມ່ນ “ການປະກອບສ່ວນຂອງທະຫານ ເຂົ້າໃນການຮ່ວມມືຫຼາຍຝ່າຍໃນລະດັບພາກພື້ນ” ຫົວຂໍ້ຕ່າງໆໃນການສຳມະນາຄັ້ງນີ້ຮວມມີ “ການເພີ້ມທະວີການຮ່ວມມືໃນລະດັບພາກພື້ນ” “ຄວາມເຂົ້າໃຈພູມປັນຍາທ້ອງຖິ່ນ ຕໍ່ການຮ່ວມມືລະດັບພາກພື້ນ” ແລະ “ການມີສ່ວນຮ່ວມໃນຄວາມພະຍາຍາມການຮ່ວມມືຫຼາຍຝ່າຍ ເພື່ອສ້າງ ແລະ ຮັກສາສັນຕິພາບ”.

…….ໂດຍ​ທາງ​ໂຄງ​ສ້າງ ກອງ​ປະ​ຊຸມ PACC/PAMS ແມ່ນກອງ​ປະ​ຊຸມຫຼາຍ​ລະ​ດັບ​ ເຊິ່ງຮ​ວມ​ເອົາ​ຫົວ​ຂໍ້​ທີ່​ມີ​ຄວາມ​ສົນ​ໃຈ​ຮ່ວມ​ກັນ ມັນ​ແມ່ນກອງ​ປະ​ຊຸມ​ສຳ​ມະ​ນາທາງ​ທະ​ຫານ​​ທີ່ໃຫ​ຍ່​ທີ່​ສຸດ​ຂອງຫຼາຍ​ປະ​ເທດໃນ​ການ​ຮັກ​ສາ​ຄວາມ​ໝັ້ນ​ຄົງ ສັນ​ຕິ​ພາບ ແລະ ສົ່ງ​ເສີມ​ການ​ຮ່ວມ​ມື​ໃນ​ຂົງ​ເຂດ​ອາ​​ຊີ-ປາ​ຊີ​ຟິກ.

Leave a Reply

Your email address will not be published. Required fields are marked *

*