ເມືອງລະມາມ ແຂວງເຊກອງ ໄຂການຮຽນ-ການສອນ ກົດໝາຍຊັ້ນຕົ້ນ ຫຼັກສູດ 3 ເດືອນ ປະຈຳປີ 2017

ເມືອງລະມາມ ແຂວງເຊກອງ ໄຂການຮຽນ-ການສອນ ກົດໝາຍຊັ້ນຕົ້ນ ຫຼັກສູດ 3 ເດືອນ ປະຈຳປີ 2017

Posted by

     ພິທີໄຂການຮຽນ-ການສອນ ກົດໝາຍຊັ້ນຕົ້ນ ຫຼັກສູດ 3 ເດືອນ ເຂດພັດທະນາ ທີ 5 ປາກປູນ ຊຸດທີ 2 ຂອງເມືອງລະມາມ ແຂວງເຊກອງ ໄດ້ມີຂຶ້ນໃນຕອນເຊົ້າຂອງວັນທີ 09 ມັງກອນ 2016 ຜ່ານມາ ທີ່ໂຮງຮຽນມມັດທະຍົມຕົ້ນບ້ານປາກກະຢ໋ອງ ໂດຍພາຍໄຕ້ການເຂົ້າຮ່ວມຂອງທ່ານ ແພງສີ ສີລາວີ ເຈົ້າເມືອງໆລະມາມ ທ່ານ ຮຽມ ໄຊຍະລາດ ປະທານຊີ້ນໍາວຽກງານປົກປ້ອງກົດໝາຍຂັ້ນເມືອງ ມີທ່ານ ຄຳບາງ ພະສະແຫວງ ຫົວໜ້າພະແນກຍຸຕິທຳແຂວງ ມີບັນດາພະນັກງານວິຊາການ ພ້ອມດ້ວຍນັກສຶກສາເຝິກງານຈາກວິທະຍາໄລກົດໝາຍພາກກາງ ແລະ ສຳມະນາກອນຈາກກຸ່ມບ້ານພັດທະນາ ທີ 5 ເຂົ້າຮ່ວມ.

     ທ່ານ ຮຽມ ໄຊຍະລາດ ປະທານຊີ້ນຳວຽກງານປົກປ້ອງກົດໝາຍຂັ້ນເມືອງ ໄດ້ກ່າວໃນພິທີຄັ້ງນີ້ວ່າ ການດຳເນີນການຮຽນ-ການສອນກົດໝາຍ ແມ່ນວຽກງານນຶ່ງທີ່ພັກ-ລັດຖະບານໄດ້ເອົາໃຈໃສ່ ແລະ ຖືເປັນບຸລິມະສິດທີ່ສໍາຄັນ ໂດຍມີເປົ້າໝາຍເພື່ອເສີມຂະຫຽາຍສິດເປັນເຈົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ ຍົກລະດັບຄວາມຮູ້ດ້ານກົດໝາຍໃຫ້ແກ່ຄະນະພັກ ອົງການປົກຄອງບ້ານ ແລະ ພໍ່ແມ່ປະຊາຊົນຢູ່ຂັ້ນຮາກຖານ ແນໃສ່ປະຕິບັດຕາມທິດ ຄຸ້ມຄອງລັດ ຄຸ້ມຄອງສັງຄົມດ້ວຍກົດໝາຍ ການສ້າງລັດແຫ່ງກົດໝາຍໃຫ້ກາຍເປັນຮູບປະທຳ ແລະ ກວ້າງຂວາງຫຼາຍຂຶ້ນ ນັບແຕ່ສູນກາງຈົນເຖິງທ້ອງຖິ່ນຮາກຖານ ສະເພາະຢູ່ເມືອງລະມາມ ວຽກງານດັ່ງກ່າວໄດ້ຈັດຕັ້ງເປັນລະບົບນັບແຕ່ປີ 2009 ເປັນຕົ້ນມາ ເຊິ່ງປີນີ້ເປັນປີທີ 8 ຊຸດທີ 2 ທີ່ໄດ້ປະຕິບັດຢູ່ກຸ່ມດັ່ງກ່າວ ສໍາລັບຊຸດອົບຮົມຄັ້ງນີ້ ຈະໄດ້ຮຽນວິຊາກົດໝາຍ ທັງໝົດ 37 ວິຊາ ມີ 450 ໜ່ວຍກິດ ແລະ ມີສໍາມະນາ ກອນ ຈາກບ້ານເຂດພັດທະນາ ທີ 5 ປາກປູນ ເຂົ້າຮ່ວມທັງໝົດ 55 ຄົນ.

ຂ່າວ/ພາບ: ດາວສະຫວັນ ໄຊລາສອນ

Leave a Reply

Your email address will not be published. Required fields are marked *

*