ແຂວງຫຼວງພະບາງ ສຳເລັດການຄົ້ນຄວ້າເພື່ອກໍານົດຄ່າແຮງງານຂັ້ນຕໍ່າ

ແຂວງຫຼວງພະບາງ ສຳເລັດການຄົ້ນຄວ້າເພື່ອກໍານົດຄ່າແຮງງານຂັ້ນຕໍ່າ

Posted by

      ເພື່ີອເປັນການຍົກລະດັບຄ່າແຮງງານຂັ້ນຕໍ່າສຸດໃຫ້ເປັນຮູບປະທຳ ໂດຍຜ່ານການປັບປຸງຂຶ້ນເທືີ່ອລະກ້າວ ດັ່ງນັ້ນ ເມື່ອອາທິດທີ່ຜ່ານມາ ສະຫະພັນກຳມະບານແຂວງຫຼວງພະບາງ ຈິ່ງໄດ້ຈັດກອງປະຊຸມຄົ້ນຄວ້າ ເພື່ອປັບປຸງຄ່າແຮງງານຂັ້ນຕ່ໍ່າຊຸດໃໝ່ ໂດຍຈັດຂຶ້ນທີ່ຫ້ອງປະຊຸມຂອງພະແນກແຮງງານ ແລະ ສະຫວັດດີການສັງຄົມແຂວງ ໂດຍການເປັນປະທານຂອງທ່ານ ສຸລິສານ ທໍລາວົງ ຮອງປະທານສະຫະພັນກຳມະບານແຂວງຫຼວງພຣະບາງ ມີທ່ານ ຄຳຈັນ ສີວັນທອງ ຫົວໜ້າພະແນກຄຸ້ມຄອງແຮງງານ ສູນກາງສະຫະພັນກຳມະບານລາວ ມີບັນດາຜູ້ຕາງໜ້າຈາກຂະແໜງການທັງພາກລັດ ແລະ ເອກະຊົນເຂົ້າຮ່ວມ.

      ໃນ​ພິທີ ທ່ານ ຄຳຈັນ ສີວັນທອງ ໄດ້ຂຶ້ນອະທິບາຍເອກະສານກ່ຽວກັບວິທີການຄິດໄລ່ຄ່າແຮງງານຂັ້ນຕໍ່າຊຸດໃໝ່ໃຫ້ບັນດາຜູ້ເຂົ້າຮ່ວມ ໄດ້ພ້ອມກັນຄົ້ນຄວ້າປຶກສາຫາລື ເຊິ່ງໃນວາລະດຳເນີນການປະຊຸມ ບັນດາຜູ້ແທນຂອງແຕ່ລະພາກສ່ວນແມ່ນໄດ້ພ້ອມກັນຄົ້ນຄວ້າ ແລະ ປະກອບຄຳຄິດເຫັນ​ໃສ່​ຮ່າງການປັບປຸງຄ່າແຮງງານຂັ້ນຕໍ່າຢ່າງກົງໄປກົງມາ ໂດຍໄດ້ສະເໜີໃຫ້ມີການປັບປຸງຄ່າແຮງງານຂັ້ນຕໍ່າສຸດຂຶ້ນເປັນ 1,2 ລ້ານກີບຕໍ່ຄົນຕໍ່ເດືອນ ເຊິ່ງຄາດວ່າຈະສາມາດຈັດຕັ້ງປະຕິບັດໄດ້ທົ່ວແຂວງຫຼວງພະບາງໃນອະນາຄົດອັນໃກ້ນີ້.

ຂ່າວ/ຮູບ: ກອງແກ້ວ ຢຸດດາລາ

Leave a Reply

Your email address will not be published. Required fields are marked *

*