ແຈ້ງຂ່າວ ຍົນ Mi-17 ຂອງກອງທັບຂາດການຕິດຕໍ່ກັບສູນບັນຊາໃນຂະນະບິນປະຕິບັດໜ້າທີ່

ແຈ້ງຂ່າວ ຍົນ Mi-17 ຂອງກອງທັບຂາດການຕິດຕໍ່ກັບສູນບັນຊາໃນຂະນະບິນປະຕິບັດໜ້າທີ່

Posted by

ຂປລ. ເຫດການຍົນ Mi-17 ຂອງກອງທັບຂາດການຕິດຕໍ່ກັບສູນບັນຊາໃນຂະນະບິນປະຕິບັດໜ້າທີ່ ອີງຕາມແຫຼ່ງຂ່າວຈາກ
ກະຊວງປ້ອງກັນປະເທດ ແຫ່ງ ສປປ.ລາວ ຂໍແຈ້ງຂ່າວມາຍັງການຈັດຕັ້ງ ຍາດຕິພີ່ນ້ອງ ຊາບວ່າ ໃນເວລາ 13:10 ໂມງ
ຂອງວັນທີ 27 ກໍລະກົດ 2015 ຍົນ Mi-17 ຂອງກອງທັບ ເຊິ່ງມີຈຸບິນ 4 ຄົນ ແລະ ຜູ້ໂດຍສານ 19 ຄົນ ໄດ້ບິນຂຶ້ນຈາກ
ນະຄອນຫຼວງວຽງຈັນ ເພື່ອໄປປະຕິບັດໜ້າທີ່ຢູ່ ແຂວງຊຽງຂວາງ-ຫົວພັນ ເມື່ອບິນໄປໄດ້ໄລຍະນຶ່ງ ສູນຄວບຄຸມການບິນ
ບໍ່ສາມາດຕິດຕໍ່ສື່ສານ ກັບຍົນລຳດັ່ງກ່າວໄດ້.

…………..ປັດຈຸບັນ ກະຊວງປ້ອງກັນປະເທດ ໄດ້ແຕ່ງຕັ້ງຄະນະສະເພາະກິດ ເຂົ້າກວດກາຊອກຄົ້ນ ຕາມເສັ້ນທາງແລວບິນ
ແຕ່ການເຂົ້າໄປຍັງພົບຄວາມຫຍຸ້ງຍາກ ບໍ່ສາມາດນຳໃຊ້ຍົນເຂົ້າເຖິງພື້ນທີ່ໄດ້ ເນື່ອງຈາກສະພາບອາກາດຍັງບໍ່ເອື້ອອຳນວຍ
ຈິ່ງໄດ້ນຳໃຊ້ກຳລັງເຂົ້າໄປທາງພາກພື້ນດິນ ຄະນະດັ່ງກ່າວ ພວມສືບຕໍ່ປະຕິບັດ ໜ້າທີ່ຊອກຄົ້ນດ້ວຍຄວາມເອົາໃຈໃສ່ສູງ ສ່ວນ
ລາຍລະອຽດ ແລະ ມີຄວາມຄືບໜ້າປະການໃດ ກະຊວງປ້ອງກັນປະເທດ ຈະແຈ້ງຂ່າວໃຫ້ສັງຄົມຊາບຕາມພາຍຫຼັງ.

…………..ດັ່ງນັ້ນ ກະຊວງປ້ອງກັນປະເທດ ຈິ່ງອອກແຈ້ງຂ່າວສະບັບນີ້ໃຫ້ສັງຄົມຮັບຊາບ ແລະ ບໍ່ໃຫ້ຫຼົງເຊື່ອຕາມ
ແຫຼ່ງຂ່າວສື່ອອນລາຍຕ່າງໆ ທີ່ບໍ່ເປັນທາງການ.

Leave a Reply

Your email address will not be published. Required fields are marked *

*