ໄຂກອງປະຊຸມວິຊາການແພດ ກຸມມານເວດສາດ ຄັ້ງທີ 9

ໄຂກອງປະຊຸມວິຊາການແພດ ກຸມມານເວດສາດ ຄັ້ງທີ 9

Posted by

ຄະນະພາກວິຊາ ກຸມມານເວດສາດ ມະຫາວິທະຍາໄລວິທະຍາສາດສຸຂະພາບ
ຮ່ວມກັບ ສະມາຄົມແພດເດັກລາວ ໄດ້ຈັດກອງປະຊຸມວິຊາການແພດ ກຸມມານ
ເວດສາດ ແບບຕໍ່ເນື່ອງຄັ້ງທີ 9 ພາຍໃຕ້ຫົວຂໍ້ ເພີ່ມຄວາມເຂັ້ມແຂງໃນວຽກງານ
ຮັກສາສຸຂະພາບເດັກຂຶ້ນໃນລະຫວ່າງວັນທີ 28 ກຸມພາຫາວັນທີ 1 ມີນາ 2013
ທີ່ສູນຮ່ວມມື ແລະ ເຝິກອົບຮົມ ຫລັກ 5 ນະຄອນຫລວງວຽງຈັນ ໂດຍການ
ເປັນປະທານຂອງທ່ານ ຮອງສາດສະດາຈານ ດຣ.ສົມຈິດ ບຸບຜາ ອະທິການບໍດີ
ມະຫາວິທະຍາໄລວິທະຍາສາດສຸຂະພາບ, ຜູ້ອໍານວຍການໂຮງໝໍເສດຖາທິລາດ
ມີຜູ້ຕາງໜ້າອົງການອະນາໄມໂລກປະຈໍາລາວ ບັນດາກົມ ກອງ ສະຖາບັນ ສູນ
ພະແນກການ ຫ້ອງການ ອຳນວຍການໂຮງໝໍແຫ່ງຕ່າງໆໃນທົ່ວປະເທດ
ເຂົ້າຮ່ວມ 150 ກວ່າຄົນ.

ທ່ານ ຮສຈ ດຣ.ສົມຈິດ ບຸບຜາ
ອະທິການບໍດີ ມະຫາວິທະຍາໄລວິທະຍາສາດສຸຂະພາບ

ທ່ານ ຮອງສາດສະດາຈານ ດຣ.ຄໍາເປ ພົງສະຫວັດ ໄດ້ກ່າວເຖິງວັດຖຸປະສົງ
ຂອງກອງປະຊຸມວ່າ ເພື່ອເປີດໂອກາດໃຫ້ແພດຊ່ຽວຊານເດັກຂອງລາວ ສາມາດ
ປະເມີນອັດຕາການເຈັບປ່ວຍ ແລະ ປັບປຸງຄຸນນະພາບຊີວິດຂອງເດັກນ້ອຍ
ໃຫ້ດີຂຶ້ນ ຫລຸດຜ່ອນການເຈັບເປັນ ແລະ ການຕາຍຂອງເດັກນ້ອຍໃນ
ສປປ.ລາວ ຊຶ່ງບັນດາແພດຊ່ຽວຊານເດັກຂອງລາວ ຈະໄດ້ພ້ອມກັນຄົ້ນຄວ້າ
ແລະ ທົບທວນຄືນເຖິງໝາກຜົນການປະຕິບັດວຽກງານໃນໄລຍະຜ່ານມາ ທັງນີ້
ກໍເພື່ອບັນລຸເປົ້າໝາຍສະຫັດສະຫວັດໃນການຫລຸດຜ່ອນອັດຕາການຕາຍຂອງເດັກນ້ອຍ

ເດັກນ້ອຍໂດຍສະເພາະ ໃນເດັກນ້ອຍທີ່ເກີດໃໝ່ຢູ່ ສປປ.ລາວ ໃຫ້ເຫລືອ
ໜ້ອຍທີ່ສຸດໃນປີ 2015 ເນື່ອງຈາກອັດຕາການຕາຍໃນກຸ່ມເດັກນ້ອຍລາວ
ໃນໄລຍະຜ່ານມາຍັງສູງຢູ່ ເມື່ອທຽບກັບປະເທດສະມາຊິກອາຊຽນດ້ວຍກັນ.
ສ່ວນໝາກຜົນຂອງການຈັດຕັ້ງປະຕິບັດວຽກງານດ້ານໂພຊະນາການ ແລະ
ການຂາດສານອາຫານແມ່ນໄດ້ຮັບການເອົາໃຈໃສ່ຢ່າງຕັ້ງໜ້າ ມາຮອດປັດຈຸບັນ
ອັດຕາການຕາຍຂອງເດັກນ້ອຍ ແມ່ນມີທ່າອຽງຫລຸດລົງເປັນຕາພໍໃຈ.

ກອງປະຊຸມຄັ້ງນີ້ ຍັງຈະໄດ້ວາງທິດທາງ ແຜນການ ຄາດໝາຍສູ້ຊົນປະຈຳປີ
2013 ຕື່ມອີກ.

ຂ່າວ/ພາບ: ສ.ບົວພາ

Leave a Reply

Your email address will not be published. Required fields are marked *

*