ໄຂກອງປະຊຸມ ວິຊາການ ດ້ານການຂົນສົ່ງ ໃນຂອບ CLMV

ໄຂກອງປະຊຸມ ວິຊາການ ດ້ານການຂົນສົ່ງ ໃນຂອບ CLMV

Posted by

ຕອນເຊົ້າວັນທີ 27 ກຸມພາ 2013 ທີ່ໂຮງແຮມດອນຈັນພາເລດ
ນະຄອນຫລວງວຽງຈັນ ໄດ້ມີກອງປະຊຸມໜ່ວຍງານວິຊາການດ້ານ
ການຂົນສົ່ງ ໃນຂອບຍຸດທະສາດການຮ່ວມມືດ້ານເສດຖະກິດ
ແມ່ນໍ້າອິຣະວະດີ-ແມ່ນໍ້າເຈົ້າພະຍາ-ແມ່ນໍ້າຂອງ ຫຼື ACMACS
ແລະ ຂອບການຮ່ວມມືລະຫວ່າງກຳປູເຈຍ-ລາວ-ມຽນມາ-ຫວຽດນາມ
(CLMV) ຂື້ນໂດຍການເປັນປະທານຂອງທ່ານ ມັດ ສູນມາລາ
ຫົວໜ້າກົມແຜນການ ແລະ ການຮ່ວມມື ກະຊວງໂຍທາທິການ
ແລະ ຂົນສົ່ງ ມີບັນດາຫົວໜ້າຄະນະໜ່ວຍງານ ແລະ ຄະນະຜູ້ແທນ
ຈາກບັນດາປະເທດສະມາຊິກgເຊັ່ນ ກຳປູເຈຍ, ມຽນມາ, ສປປ.ລາວ,
ໄທ ແລະ ຫວຽດນາມ ເຂົ້າຮ່ວມ .

ທ່ານ ມັດ ສູນມາລາ ໄດ້ກ່າວວ່າ ຈຸດປະສົງຂອງກອງປະຊຸມໃນຄັ້ງນີ້
ແມ່ນເພື່ອປຶກສາຫາລື ແລະ ທົບທວນຄວາມຄືບໜ້າການຮ່ວມມືດ້ານ
ການຂົນສົ່ງໃນຂອບເຂດການຮ່ວມມືແອັກແມັກ ນັບແຕ່ກອງປະຊຸມ
ສຸດຍອດແອັກແມັກຄັ້ງທີ 4 ໃນປີ 2010 ຜ່ານາ ແລະ ປືກສາຫາລື
ກ່ຽວກັບແຜນການຮ່ວມມືດ້ານຂົນສົ່ງໃນຕໍ່ໜ້າ ໂດຍສະເພາະໄດ້ປຶກສາ
ຫາລືກ່ຽວກັບບັນດາໂຄງການຮ່ວມມືຕ່າງໆ ຂອງຂະແໜງການຂົນສົ່ງ
ເພື່ອສະເໜີເຂົ້າໃນຮ່າງຖະແຫລງການວຽງຈັນ ຂອງກອງປະຊຸມສຸດຍອດ
ແອັກແມັກ ແລະ ແຜນປະຕິບັດງານຂອບການຮ່ວມມື 2013-2015
ຊຶ່ງຈະໄດ້ຮັບເອົາໃນກອງປະຊຸມສຸດຍອດຄັ້ງທີ 5 ທີ່ຈະໄດ້ຈັດຂື້ນໃນວັນທີ
13 ມີນາ 2013 ທີ່ຈະມາເຖິງນີ້.
ນອກນີ້ຍັງໄດ້ປຶກສາຫາລື ແລະ ທົບທວນຄວາມຄືບໜ້າຂອງໜ່ວຍງານ
ວິຊາການດ້ານການຂົນສົ່ງ CLMV ໃນຂອບການຮ່ວມມືໄລຍະຜ່ານມາ
ແຕ່ປີ 2010 ຮວມທັງແຜນການຮ່ວມມືໃນຕໍ່ຫນ້າຂອງຂະແໜງການ
ຂົນສົ່ງເພື່ອນຳສະເໜີເຂົ້າໃນຮ່າງຖະແຫລງການຮ່ວມຂອງກອງປະຊຸມ
ສຸດຍອດຄັ້ງທີ 6 ທີ່ຈະຈັດຂື້ນໃນວັນທີ 12 ມີນາ 2013
ທີ່ນະຄອນຫລວງວຽງຈັນ.

ຂ່າວ/ພາບ: ເທພະວົງສອນ

Leave a Reply

Your email address will not be published. Required fields are marked *

*