​ເຈົ້າໜ້າ​ທີ່ ​ຕຳຫຼວດ​ສະກັດ​ກັ້ນ ​ແລະ​ ຕ້ານ​ຢາ​ເສ​ບຕິດ ສປປ.ລາວ ​ແກ້​ໄຂ​ກຸ່ມ​ເປົ້າໝາຍ​ຄ້າ​ຢາ​ເສ​ບຕິດ​ລາຍ​ໃຫຽ່

​ເຈົ້າໜ້າ​ທີ່ ​ຕຳຫຼວດ​ສະກັດ​ກັ້ນ ​ແລະ​ ຕ້ານ​ຢາ​ເສ​ບຕິດ ສປປ.ລາວ ​ແກ້​ໄຂ​ກຸ່ມ​ເປົ້າໝາຍ​ຄ້າ​ຢາ​ເສ​ບຕິດ​ລາຍ​ໃຫຽ່

Posted by

     ການຖະ​ແຫຼ​ງຂ່າວ​ຢ່າງ​ເປັນ​ທາງ​ການຢູ່​ນະຄອນຫຼວງ​ວຽງ​ຈັນ ​ເມື່ອ​ວັນ​ທີ 15 ກຸມພາ 2017 ​ໂດຍ​ທ່ານ ພົຈວ ທອງ​ເຫຼັກ ມັງ​ໜໍ່​ເມກ ຫົວໜ້າ​ກົມ​ໃຫຽ່​ຕຳຫຼວດ ກະຊວງ​ປ້ອງ​ກັນຄວາມສະຫງົບ ກ່ຽວ​ກັບການ​ແກ້​ໄຂ​ເຄືອ​ຂ່າຍ​ກຸ່ມ​ເປົ້າໝາຍ​ຄ້າ​ຂາຍ​ຢາ​ເສບ​ຕິດ ​​ຕິດ​ພັນ​ກັບ​ບັນຫາ​ອາວຸດ​ເສິກ ເຊິ່ງເປັນໝາກຜົນຈາກປະຕິບັດ​ການຂອງ​ເຈົ້າໜ້າ​ທີ່​ໃນ​ຄັ້ງວັນ​ທີ 16 ກັນຍາ 2016 ​ເຖິງ​ວັນ​ທີ 24 ມັງກອນ 2017 ຜ່ານ​ມາ.

     ​ໂດຍ​ເຊື່ອມ​ຊຶມ ​ແລະ ​ຈັດຕັ້ງຜັນ​ຂະຫຽາຍ​ຄຳ​ສັ່ງ​ເລກທີ 27/ນຍ ລົງ​ວັນ​ທີ 05 ຕຸລາ 2011 ວ່າ​ດ້ວຍ​ການ​ເພີ່ມ​ທະວີ​ວຽກ​ງານ​ສະກັດ​ກັ້ນ ​ແລະ​ ​ແກ້​ໄຂ​ປາກົດການ​ຫຽໍ້​ທໍ້​ຢູ່​ໃນ​ສັງຄົມ ​ແລະ ​ອີງ​ຕາມ​ພາລະ​ບົດບາດ ​ໜ້າ​ທີ່​ຂອງ​ກຳລັງ​ປ້ອງ​ກັນ​ຄວາມ​ສະຫງົບ​ປະຊາຊົນ​ລາວ​ໃນ​ໄລຍະ​​ໃໝ່  ກົມ​ຕຳຫຼວດ​ສະກັດ​ກັ້ນ ​ແລະ​ຕ້ານ​ຢາ​ເສ​ບຕິດ ກົມ​ໃຫຽ່​ຕຳຫຼວດ ກະຊວງ​ປ້ອງ​ກັນ​ຄວາມ​ສະຫງົບ ​​ໄດ້​ເປັນ​ເຈົ້າການ​ດຳ​ເນີນ​ວຽກ​ງານ​ວິຊາ​ສະ​ເພາະ​ຂອງ​ຕົນ​ເພື່ອ​ເກັບ​ກຳ​ຂໍ້​ມູນ​ຢ່າງ​ເປັນ​ລະບົບ ຈາກນັ້ນ ​ໄດ້​ປະສາ​ນສົມທົບລະຫວ່າງ​ເຈົ້າໜ້າ​ທີ່​ຕຳຫຼວດ​ຢູ່​ສູນ​ກາງ​ກັບ​ທ້ອງ​ຖິ່ນ​ ບັນດາ​ແຂວງ​ໃນ​ທົ່ວ​ປະ​ເທດ ພ້ອມ​ກັບ​ອົງການ​ທີ່​ກ່ຽວຂ້ອງ ​ແລະ​ ອົງ​ການ​ປົກຄອງ​ທຸກຂັ້ນ ຈິ່ງ​ໄດ້​ດຳ​ເນີນ​ການ​ແກ້​ໄຂ​ເຄືອ​ຂ່າຍ ກຸ່ມ​ເປົ້າໝາຍ​ຊື້-ຂາຍ​ຢາ​ເສບ​ຕິດ ​​ຕິດ​ພັນ​ກັບ​ອາວຸ​ດ​ເສິກ ແຕ່​ພາກ​ເໜືອລົງ​ຮອດ​ພາກ​ໃຕ້ ​ແລະ ​ສາມາດ​ຈັບ​ໂຕ​ຜູ່​ຖືກ​ຫາ​ທັງ​ໝົດ​ໄດ້ 33 ຄົນ ຍິງ 11 ຄົນ ດັ່ງນີ້ ກຸ່ມ​ທີ 1 ​ໃນ​ວັນ​ທີ 16 ກັນຍາ 2016 ​ເຈົ້າໜ້າ​ທີ່​ຕຳຫຼວດລາວ​ເຮົາ​ໄດ້​ຈັບ​ໂຕ ທ້າວ ກິ​ນ້ອຍ ຜາ​ໄຊ ຫຼື (​ແອນ​້ອຍ ຫຼື ນ້ອຍອາກາດ) ອາຍຸ 34 ປີ ​ເຊື້ອຊາດ-ສັນຊາດ​ລາວ ຢູ່​ບ້າ​ນອາກາດ ​ເມືອງ​ສີ​ໂຄດ​ຕະບອງ ນະຄອນຫຼວງ​ວຽງ​ຈັນ ພ້ອມ​ດ້ວຍ​ພັກ​ພວກ ຈຳນວນ 16 ຄົນ ຍິງ 4 ຄົນ ກຸ່ມ​ທີ 2 ​ໃນ​ວັນ​ທີ 11 ທັນວາ 2016 ​ເຈົ້າໜ້າ​ທີ່​ໄດ້​ຈັບໂ​ຕ (ຄູ່​ຜົວ-​ເມຍ) ທ້າວ ຫວາດ ພິລາ​ບັນ ອາຍຸ 41 ປີ ​ເຊື້ອ​ຊາດ-ສັນຊາດ​ລາວ ​ແລະ ​ນາງ ​ແກ້ວ ພິລາ​ບັນ ຫຼື ກິ່ວ ອາຍຸ 39 ປີ ​ເຊື້ອ​ຊາດ-ສັນຊາດ​ລາວ ຢູ່​ແຂວງ​ບໍ່​ແກ້ວ ກຸ່ມ​ມີ 3 ​ໃນ​ວັນ​ທີ 10 ມັງກອນ 2017 ​ເຈົ້າໜ້າ​ທີ່​ໄດ້​ຈັບໂ​ຕ ທ້າວ ຄອນ​ປະສົງ ສຸກ​ກະ​ເສີມ  ຫຼື  (ຊຽງ​ເທີ) ອາຍຸ 47 ປີ ​ເຊື້ອ​ຊາດ-ສັນຊາດລາວ ຢູ່​ນະຄອນຫຼວງ​ວຽງ​ຈັນ ພ້ອມ​ດ້ວຍ​ພັກ​ພວກ 3 ຄົນ ເຊິ່ງ​​ເປັນ​ຜ່​້ຄ້າ-ຂາຍ​ຢາ​ເສບ​ຕິດ​ລາຍ​ໃຫຽ່ ເຊິ່ງນັບ​ເປັນ​ລາຍ​ໃຫຽ່​ກວ່າ ທ້າວ ​ໄຊຊະນະ ​ແກ້ວ​ພິມ​ພາ ຫຼື (ວັນ​ລົບ​) ກຸ່ມ​ທີ 4 ທ້າວ ​ໄຊຊະນະ ​ແກ້ວ​ພິມພາ ຫຼື (ວັນ​ລົບ) ອາຍຸ 41 ປີ ສັນຊາດ​ລາວ ຢູ່​ແຂວງ​ຄຳ​ມ່ວນ ​ເປົ້າໝາຍ​ນຳ​ຈັບ​ໄດ້​ເອົາໂ​ຕ​ຫຼົບໜີ ດັ່ງນັ້ນ ​ເຈົ້າໜ້າ​ທີ່​ຕຳຫຼວດ ສປປ.ລາວ​ ​ເຮົາ​ກໍໄດ້​ປະສານ​ງານ​ກັບ​ເຈົ້າໜ້າ​ທີ່​ຕຳຫຼວດ​ປະ​ເທດ​ໄທ ແລະ ຈັບໂ​ຕ​ໄດ້​ໃນ​ວັນ​ທີ 19 ມັງກອນ 2017 ຢູ່​ສະໜາມ​ບິນ​ສຸວັນນະ​ພູມ ປະ​ເທດ​ໄທ ​ໃນ​ຂະນະ​ທີ່​ຕຳຫຼວດ​ລາວກໍ​ໄດ້​ເຂົ້າ​ຈັບ​ກຸມ​ພັກ​ພວກ​ຂອງ​ ທ້າວ ​ໄຊຊະນະ ​ແກ້ວ​ພິມ​ພາ ຢູ່​ແຂວງ​ຄຳ​ມ່ວນ ​ແລະ ​ນະຄອນຫຼວງວຽງ​ຈັນ ​ໃນ​ວັນ​ທີ 20 ມັງກອນ 2017 ​ໄດ້​ກັກໂ​ຕ​ເປົ້າໝາຍ​ຈຳນວນ 5 ຄົນ ຍິງ 1 ຄົນ ກຸ່ມ​ທີ 5 ຖືກ​ຈັບໂ​ຕ​ໃນ​ວັນ​ທີ 24 ມັງກອນ 2017 ຄື ທ້າວ ຄອນ​ໄທ ​ໂຄດ​ສົມບັດ ຫຼື ສິ້ວ ບ້ານ​ຫຼັກ​ເມືອງ ​ເມືອງ​ສອງ​ຄອນ ​ແຂວງ​ສະຫວັນ​ນະ​ເຂດ ພ້ອມ​ດ້ວຍ​ພັກ​ພວກ​ອີກ 2 ຄົນ.

     ຜ່ານ​ການ​ປະຕິບັດ​​ງານ​ນັບ​ແຕ່​ວັນ​ທີ 16 ກັນຍາ 2016 ຮອດ​ປັດຈຸບັນ ສາມາດ​ຍຶດຂອງ​ກາງ​ຄະດີ​ໄດ້​ຫຼາຍລາຍການ​ເຊັ່ນ ຢາ​ເສບ​ຕິດ​ຫຼາຍ​ຊະ​ນິດ ອາວຸດ​​ເສ​ິກ (ປືນ) ຫຼາຍກະບອກ ​ເງິນສົດ​ສະກຸນ​ຕ່າງໆ ວັດຖຸ​ມີຄ່າຈຳນວນ​ນຶ່ງ ​ແລະ​ອື່ນໆ ​ໄດ້​ອາ​ຍັດ​ເຮືອນ ​ໂຮງ​ແຮມ ຕະຫຼາດ ຮ້ານ​ອາຫານ ​ໂຮງງານ​ເຟີ​ນີ​ເຈີ ​ໂຮງງານ​ສັງກະສີ ສາງ ກາ​ຣາ​ລົດ ຫ້ອງ​ແຖວ ປ້ຳ​ນ້ຳມັນ ລົດ​ໃຫຽ່ ​ເຮືອ​​ແຈັດ​ສະ​ກີ ​ແລະ​ອື່ນໆ ຜ່າ​ນການ​ສືບສວນ-ສອບ​ສວນ​ຜູ່​ຖືກ​ຫາ​ ພວກກ່ຽວ​ໄດ້​ຮັບ​ສາ​ລະ​ພາບ​ວ່າ ​ໄດ້​ຮ່ວມ​ກັນ​ຊື້-ຂາຍ ຂົນ​ສົ່ງ ​ແລະ ​ມີ​ຢາ​ເສບ​ຕິດ​ໄວ້​ໃນ​ຄອບ​ຄອງດັ່ງກ່າວມາ​ຂ້າງ​ເທິງ ​ແລະ ​ເຄື່ອງ​ຂອງ​ກາງ​ທີ່​ເຈົ້າໜ້າ​ທີ່​ກວດ​ພົບ​ນັ້ນ​ແມ່ນ​ເປັນ​ຂອງ​ພວກ​ກ່ຽວ​ແທ້ ນອກຈາກ​ນັ້ນ ​ໃນ​ວັນ​ທີ 14 ກຸມພາ 2017 ​ເຈົ້າໜ້າ​ທີ່​ກຳລັງ​ປ້ອງ​ກັນ​ຄວາ​ມສະຫງົບ ສປປ.ລາວ​ ​ເຮົາ​ຍັງ​ໄດ້​ຕິດຕາມ ​ແລະ​ ກັກໂ​ຕ​ກຸ່ມ​ຄົນ​ທີ່​ແລ່ນ​ຊື້​ຈ້າງ ​ແລະ​ ໃຫ້​ສິນ​ບົນ​ເຈົ້າ​ໜ້າ​ທີ່​ເພື່ອ​ໃຫ້​ປ່ອຍ​ໂຕ​ຜູ່​ເປັນ​ຫົວ​ໂປ່ ​ໂຕ​ການ​ດື້​ດ້ານ​ຊື້-ຂາຍ​ຢາ​ເສບ​ຕິດ​ລາຍ​ໃຫຽ່ ​ເປັນ​ເງິນ​ຈຳນວນ 30.000.000 ​ບາດ (ສະກຸນ​ເງິນ​ໄທ) ຕໍ່​ນຶ່ງ​ຄົນ ຈະ​ຈ່າຍ​ເງິນ​ໃຫ້​ກ່ອນ 10.000.000 ​ບາດ ພາຍຫຼັງ​ປ່ອຍໂ​ຕ​ແລ້ວ​ຈິ່ງ​ຈະ​ຕື່ມ​ໃຫ້​ອີກ 20.000.000 ​ບາດ ຕໍ່​ເຫດການ​ດັ່ງກ່າວ ຄະນະ​ຮັບຜິດຊອບ​ດຳ​ເນີນ​ຄະດີ​ຍັງ​ສືບ​ຕໍ່​ດຳ​ເນີນ​ການ​ສືບສວນ-ສອບ​ສວນ​ ເກັບ​ກຳ​ຂໍ້​ມູນ​ຫຼັກ​ຖານ​ຂະຫຽາຍ​ຜົນ​ໄປ​ຫາ​ກຸ່ມ​ແກັ້ງ​ເຄືອ​ຂ່າຍທີ່​ຍັງ​ເຫຼືອ​ເພື່ອ​ມາ​ລົງ​ໂທດ​ຕາມ​ລະບຽບ​ກົດໝາຍ​ຢ່າງ​ເຂັ້ມງວດ.

     ຕໍ່​ຜົນສຳ​ເລັດ​ເບື້ອງ​ຕົ້ນ​ໃນ​ການ​ແກ້​ໄຂປາກົດການ​ຫຽໍ້​ທໍ້​ຂອງ​ສັງຄົມ ​ເວົ້າສະ​​ເພາະ​ແມ່​ນການ​ແກ້​ໄຂ​ກຸ່ມ​ຊື້-ຂາຍ ຂົນ​ສົ່ງ ​ແລະ​ ມີ​ຢາ​ເສບ​ຕິດ​ໄວ້​ໃນ​ຄອບ​ຄອງກໍແມ່ນຍ້ອນ​ມີ​ການ​ປະກອບສ່ວນ​ຂອງ​ພົນລະ​ເມືອງ​ດີ ອົງການ​ປົກ​ຄອງ​ທ້ອງ​ຖິ່ນ ຊາວ​ນະຄອນຫຼວງ​ວຽງ​ຈັນ ​ແລະ​ ບັນດາ​ແຂວງ​ໃນ​ທົ່ວ​ປະ​ເທດ ທັງ​ນີ້ ກົມ​ໃຫຽ່​ຕຳຫຼວດ ກະຊວງ​ປ້ອງ​ກັນ​ຄວາມ​ສະຫງົບ ​ໄດ້​ສະ​ແດງ​ຄວາມ​ຊົມ​ເຊີຍ ​ແລະ ​ຂອບ​ໃຈ​ຕໍ່​ການ​ປະກອບສ່ວນ​ຂອງ​ພວກ​ທ່ານ​ໃນວຽກ​ງານ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ​ເປັນ​ຢ່າງ​ດີ​ຕະຫຼອດ​ມາ ​ແລະ​ ເພື່ອ​ສືບ​ຕໍ່​ເຮັດ​ໃຫ້​ນະ​ຄອນ​ຫຼວງ​ວຽງ​ຈັນ ​ກໍ​ຄື ​ບັນດາ​ແຂວງ​ທົ່ວ​ປະ​ເທດ​ມີ​ຄວາມ​ສະຫງົບ​ປອດ​ໄພ ມີ​ຄວາມ​ເປັນ​ລະບຽບ​ຮຽບຮ້ອຍ​ ​ແລະ ​ເພື່ອສືບ​ຕໍ່​ແກ້​ໄຂ​ບັນຫາ​ປາກົດການ​ຫຽໍ້​ທໍ້​ຕ່າງໆ​ຢູ່​ໃນ​ສັງຄົມ​ໃຫ້​ໝົດ​ໄປ ຈິ່ງ​ຮຽກຮ້ອງ​ມາ​ຍັງ​ພະນັກງານ ທະຫານ ຕຳຫຼວດ ​ແລະ​ ປະຊາຊົນ​ບັນດາ​ເຜົ່າ ຊາວຕ່າງ​ດ້າວ ຊາວ​ຕ່າງປະ​ເທດ​ທີ່​ດຳລົງ​ຊີວິດ ພັກ​ເຊົາ ດຳ​ເນີນ​ທຸລະ​ກິດ​ຢູ່​ນະຄອນຫຼວງ​ວຽງ​ຈັນ ​ແລະ​ບັນດາ​ແຂວງ​ໃນ​ທົ່ວ​ປ​ະ​ເທດ ​ຈົ່ງ​ພ້ອມ​ກັນ​ເຄົາລົບ ​ແລະ​ປະຕິບັດ​ກົດ​ໝາຍ ມີ​ສະຕິ​ລະວັງ​ໂຕ ປ້ອງ​ກັນ​ຕົນ​ເອງ​ຈາກ​ກົນອຸບາຍ​ເລ່ຫຼ່ຽມ​ຂອງ​ກຸ່ມ​ຄົນ​ບໍ່​ດີ ຕັ້ງໜ້າ​ປະກອບສ່ວນ​ເຂົ້າ​ໃນ​ວຽກ​ງານ​ຮັກສາ​ຄວາມ​ສະຫງົບ ​ແລະ​ ຄວາມ​ເປັນ​ລະບຽບ​ຮຽບຮ້ອຍ​ໃນ​ສັງຄົມ ​ເພື່ອ​ພ້ອມ​ກັນ​ເປັນ​ເຈົ້າການ​ສ້າງສາພັດທະນາ​ປະ​ເທດ​ເຮົາ​ໃຫ້​ມີ​ຄວາ​ມສະຫງົບ ມີ​ຄວາ​ມ​ເປັນ​ລະບຽບ​ຮຽບຮ້ອຍ​ທາງ​ສັງຄົມ​ ມີ​ຄວາມຈະ​ເລີ​ນກ້າວໜ້າ​ຕະຫຼອດ​ໄປ ​ແລະ​ ຂໍ​ຮຽກຮ້ອງ​ມາ​ຍັງ​ສຳນັກງານ ອົງການ ບັນດາ​ກະຊວງ ອົງການ​ປົກຄອງ​ທ້ອງ​ຖິ່ນທຸກຂັ້ນ ຕະຫຼອດ​ຮອດ​ພໍ່​ແມ່​ປະຊາຊົນ​ບັນດາ​ເຜົ່າ​ໃນ​ທົ່ວ​ປະ​ເທດ ​ຈົ່ງ​ສະໜັບສະໜູນ​ພາລະກິດ​ປາບ​ປາມ ​ແລະ ​ແກ້​ໄຂ​ບັນຫາ​ຢາ​ເສບ​ຕິດ​ຢ່າງ​ເຕັມທີ່ ຈົ່ງ​ເປັນ​ຫູ​ເປັນຕາ​ຕິດຕາມ ຖ້າ​ຫາກປາກົດ​ເຫັນ​ຜູ້​ຊື້-ຂາຍ ຂົນ​ສົ່ງ​ຢາ​ເສບ​ຕິດ​ແລ້ວ ຕ້ອງ​ລາຍ​ງານ​ໃຫ້​ເຈົ້າໜ້າ​ທີ່​ເພື່ອ​ແກ້​ໄຂ​ຢ່າງ​ທັນ​ການ ​ໂດຍ​ທາງ​ເຈົ້າໜ້າ​ທີ່​ຈະ​ຮັກສາ​ຄວາມ​ລັບ ​ແລະ ​ໃຫ້​ຄວາມ​ປອດ​ໄພ​ຜູ່ທີ່​ລາຍ​ງານ​ຂໍ້ມູນ​ກ່ຽວ​ກັບ​ບັບຫາ​ຢາ​ເສບ​ຕິດ​ເປັນຢ່າງ​ດີ​ທີ່​ສຸດ.

ຂ່າວ​/າບ:  ສົມ​ຈັນ   

Leave a Reply

Your email address will not be published. Required fields are marked *

*